SAB HONEY TAMIL

ஒரு பைலை திறந்தால் இன்னொரு புரோகிராம் திறப்பது எப்படி??

2009-05-24T21:14:00.004-07:00

விண்டோஸ் இயக்கம் தன் சிஸ்டத்தில் பைல் அசோசியேஷன் (File Association) என்று ஒரு செயல்பாட்டினை வைத்துக் கொண்டு இயக்கி வருகிறது. இதன் படி ஒரு பைலை எந்த புரோகிராம் வடிவமைத்ததோ அந்த பைலைத் திறக்க முயற்சிக்கையில் அதே புரோகிராம் மூலம் அந்த பைல் திறக்கப்படும். ஒரு கம்ப்யூட்டர் புதியதாக இருக்கையில் இந்த செயல்பாடு பார்ப்பதற்கும் மேற்கொள்வதற்கும் நமக்கு ஒரு விருந்தாக இருக்கும். ஆனால் கம்ப்யூட்டர்களில் தொடர்ந்து பல புரோகிராம்களை, குறிப்பாக ஒரே வகையான புரோகிராம்களை, இன்ஸ்டால் செய்கையில் சிறிய பிரச்சினை தலை தூக்கும்.

சில வேளைகளில் ஏதேனும் ஒரு பைலைத் திறப்பதற்காக அதன் பெயர் மீது நாம் டபுள் கிளிக் செய்திடுவோம். ஆனால் நாம் எதிர்பார்க்கும் புரோகிராமுக்குப் பதிலாக வேறு ஒரு புரோகிராமில் அது திறக்கப்படும். எடுத்துக்காட்டாக பெயிண்ட் புரோகிராமில் ஒரு ஜெபெக் பைல் ஒன்றை உருவாக்கியிருப்போம். ஆனால் அதன் மீது டபுள் கிளிக் செய்கையில் அது மைக்ரோசாப்ட் பிக்சர் மேனேஜர் புரோகிராமில் திறக்கப்படும். அது மட்டுமின்றி இந்த பைலுக்கு அருகே பெயிண்ட் புரோகிராமிற்கான ஐகான் இல்லாமல் வேறு ஒரு ஐகானைக் காணலாம்.

இந்த குழப்பத்தை நீக்க என்ன வழி? நாம் எப்படி இந்த பைல் அசோசியேஷன் வேலையை நம் கட்டுப்பாட்டில் கொண்டு வருவது? எப்படி ஒரு குறிப்பிட்ட வகை பைலை அதனை உருவாக்கிய புரோகிராமுடன் இணைத்து வைப்பது? இந்த பைல் மற்றும் அதன் புரோகிராமுடன் தொடர்பு ஏற்படுத்துவது அந்த பைலின் எக்ஸ்டன்ஷன் பெயர் தான். இது ஒரு பைலின் முதன்மைப் பெயருடன் ஒரு புள்ளியால் பிரிக்கப்பட்டு மூன்று எழுத்துக்களில் இருக்கும்.

(உதாரணம் : obama.jpg இதில் jpg என்பது இதன் துணைப் பெயர்)

மைக்ரோசாப்ட் நிறுவனம் விண்டோஸ் தொகுப்பினை வடிவமைக்கையில் சில வேடிக்கைத்தனமான வேலைகளையும் மேற்கொண்டது. எடுத்துக் காட்டாக ஸ்டார்ட் பட்டனிலேயே கம்ப்யூட்டரை நிறுத்தும் பட்டனையும் அமைத்தது. அதே போல பல பைல் எக்ஸ்டன்ஷன்களை விண்டோஸ் பயன்படுத்துபவர் களிடமிருந்து மறைத்ததுதான். போல்டர்களை நீங்கள் பார்க்கையில் பைல் எக்ஸ்டன்ஷன்களை உங்களால் பார்க்க முடியவில்லை என்றால் அவற்றைக் காணும்படி அமைத்துவிடுவது நல்லது. அப்போதுதான் பைல்களைச் சிறப்பாக நிர்வகிக்க முடியும்.

இதனை மேற்கொள்ள விண்டோஸ் எக்ஸ்ப்ளோரரைத் திறக்கவும். Start பட்டனில் வலது பட்டன் கிளிக் செய்து மேலே எழும் மெனுவில் explore என்பதைக் கிளிக் செய்தால் விண்டோஸ் எக்ஸ்புளோரர் கிடைக்கும்.

இதில் டூல்ஸ் மெனு திறக்கவும். இதில் Folder Options என்பதைத் தேர்ந்தெடுக்கவும். போல்டர் ஆப்ஷன்ஸ் டயலாக் பாக்ஸ் திறந்தவுடன் View டேப் அழுத்தவும். பின் Advanced Settings என்பதன் கீழ் ‘Hide Extensions for known file types’ என்பதன் எதிரே உள்ள டிக் அடை யாளத்தை எடுத்துவிடவும். பின் ஓகே கிளிக் செய்து வெளியே வரவும். இனி பைல்கள் அனைத்தும் அதன் எக்ஸ்டன்ஷன் பெயர்களுடன் தான் தோற்றமளிக்கும்.

இனி ஒரு குறிப்பிட்ட எக்ஸ்டன்ஷன் கொண்ட பைல் வகையினை அதனை உருவாக்கிய புரோகிராமுடன் மீண்டும் இணைக்கலாம். விண்டோஸ் எக்ஸ்புளோரரை இயக்கி டூல்ஸ் மற்றும் போல்டர் ஆப்ஷன்ஸ் தேர்ந்தெடுக்கவும். அடுத்து போல்டர் ஆப்ஷன்ஸ் டயலாக் பாக்ஸில் file types என்ற டேப்பில் கிளிக் செய்திடவும். இப்போது பின்னணியில் ஒரு சின்ன வேலையினை விண்டோஸ் மேற்கொள்வதால் டயலாக் பாக்ஸ் அமைதியாக இருக்கும்.

விண்டோஸ் பின்னணியில் பதிவான பைல்களின் எக்ஸ்டன்ஷன்களை ஆய்வு செய்து அவற்றின் லிஸ்ட் ஒன்றைக் காட்டும். இது ஆங்கில அகர வரிசைப்படி இருப்பதுடன் ஒவ்வொன்றின் தன்மை குறித்தும் சிறிய விளக்கம் இருக்கும். இவற்றில் ஒரு எக்ஸ்டன்ஷன் வகையில் கிளிக் செய்தால் அதனை உருவாக்கிய புரோகிராமின் பெயர் டயலாக் பாக்ஸின் அடிப்பாகத்தில் காட்டப்படும். இந்த புரோகிராமிற்குப் பதிலாக வேறு ஒரு புரோகிராமினை இதன் துணையாக அமைக்க வேண்டும் என எண்ணினால் அங்குள்ள Change என்ற பட்டனில் கிளிக் செய்திடவும்.

இப்போது இரண்டாவதாக இன்னொரு டயலாக் பாக்ஸ் திறக்கப்படும். இதன் தலைப்பு Open With என்று இருக்கும். இங்கு மற்ற புரோகிராம்களைத் தேர்ந்தெடுக்கலாம். இதில் காட்டப்படும் புரோகிராம்களிலிருந்து தான் நீங்கள் செட் செய்திட புரோகிரா மினைத்தேர்ந்தெடுக்க வேண்டும் என் பதில்லை.

பிரவுஸ் பட்டனை அழுத்தி வேறு புரோகிராம்களிலிருந்தும் தேர்ந்தெடுக்கலாம். இதற்கு வேறு புரோகிராம்களின் பெயர் களையும் அவை இருக்கும் போல்டர்களையும் அறிந்திருக்க வேண்டும். இதிலிருந்து புரோகிராம் ஒன்றைத் தேர்ந்தெடுத்த பின்னர் பாக்ஸில் டிக் அடையாளத்தை இட வேண்டும். அப்போதுதான் இந்த புரோகிராமில் நீங்கள் தேர்ந்தெடுத்த எக்ஸ்டன்ஷன் கொண்ட பைல் திறக்கப்பட வேண்டும் என்பதனை செட் செய்துள்ளதாக எடுத்துக் கொள்ளப்படும்.

விண்டோஸ் விஸ்டாவுக்கான அழகிய 5 தீம்கள்!!!

2009-05-24T21:14:00.003-07:00

இங்கே விண்டோஸ் விஸ்டாவுக்கான அழகிய ஐந்து தீம்களை இலவசமாக தரவிறக்கி கொள்ளலாம். பழைய மைக்ரோசாப்டினுடைய தீமை பார்த்து பார்த்து அலுத்துப்போனவர்கள் பயன்படுத்திப்பார்க்கலாம்.

1.Redo WB

2.Leo_Vista WB2

3.Cabin Fever WB

4.Carbon-ite WB

5.Vienna 3 - Rapture

லேசர் பிரிண்டர் வாங்கும் முன் கவனிக்க வேண்டியவை

2009-05-24T21:14:00.001-07:00

டாட் மேட்ரிக்ஸ் பிரின்டர்கள் சிறிது சிறிதாக மறைய ஆரம்பித்துவிட்டன. லேசர் பிரின்டர்களை அனைவரும் விரும்ப ஆரம்பித்துவிட்டனர். பலர் இங்க்ஜெட் பிரின்டர்களுக்கு கார்ட்ரிட்ஜ் வாங்கிக் கட்டுப்படியாகாததால் லேசர் பிரின்டர்களின் விலை கூடுதலாக இருந்தாலும் பரவாயில்லை என்று முடிவு செய்து லேசர் பிரின்டர்களை வாங்க முயற்சிக்கின்றனர். இவர்கள் விற்பனைச் சந்தையில் பல வகையான லேசர் பிரின்டர்களைப் பார்த்து திகைக்கின்றனர். விற்பனையாளர்கள் கூறும் பலவிதமான தொழில் நுட்ப சங்கதிகளைப் புரியாதவர்களாக இருக்கின்றனர்.

இதனால் தங்களின் தேவைக்கு அதிகப்படியான திறன் கொண்டதை வாங்குகின்றனர். அல்லது தேவைகளை நிறைவேற்ற முடியாத ஒரு லேசர் பிரின்டரை வாங்குகின்றனர். இந்த கட்டுரையில் எப்படிப்பட்ட லேசர் பிரின்டர் உங்களுக்குத் தேவை என்பதைச் சுட்டிக் காட்டும் தகவல்கள் இங்கு தரப்படுகின்றன.

யாருக்கு லேசர் பிரின்டர் தேவை?

தினமும் ஏராளமான பக்கங்களை அச்சடிப்பவர்களுக்கு, வேகமாக அச்சடிக்க வேண்டும் என்று விரும்புகிறவர்களுக்கு, படங்களை துல்லியமாக, சீராக அச்சடிக்க வேண்டும் என்று நினைப்பவர்களுக்கு கண்டிப்பாக லேசர் பிரின்டர் தேவை. விலை கட்டுபடியாகுமா? 8,500 ரூபாயில் லேசர் பிரின்டரின் விலை ஆரம்பித்து 1,50,000 வரையில் முடிகிறது. உங்கள் பட்ஜெட்டிற்கு ஏற்ற பிரின்டரை வாங்கலாம்.

1.பிரின்டரில் Resolution என்பது முக்கியம். இதை Dots per inch (dpi) என்ற அலகில் குறிப்பிடுவார்கள். இந்த அளவு கூடுதலாக இருப்பது நல்லது. 300 dpi ரெசல்யூசன் கொண்ட லேசர் பிரின்டர்கள் சாதாரணமாகப் போதுமானது. சிறிது விலை அதிகமானாலும் பரவாயில்லை, அச்சின் தரம் நன்றாக இருக்க வேண்டும் என்று நினைப்பவர்கள் 600 dpi ரெசல்யூசனுக்குச் செல்லலாம். 1200 dpi அல்லது அதற்கு மேல் ரெசல்யூசன் கொண்ட பிரின்டர்களின் அச்சடிப்பு களை கண்களில் ஒற்றிக் கொள்ளலாம். ஆனால் அவற்றின் விலை சற்று அதிகம்.

2.பிரின்டரின் Interface அடுத்ததாக கவனிக்கப்பட வேண்டிய விஷயம் ஆகும். பேரலல் போர்ட் அல்லது யுஎஸ்பி (USP) போர்ட் அல்லது இந்த இரண்டும் ஒருங்கே அமையப்பெற்ற லேசர் பிரின்டர்கள் விற்பனைக்கு உள்ளன. உங்களிடம் பழைய கம்ப்யூட்டர் இருந் தால் அதில் யுஎஸ்பி போர்ட் இருக்காது. அப்படியானால் பேரலல் போர்ட் கொண்ட லேசர் பிரின்டரை வாங்க வேண்டும். கம்ப்யூட்டரில் யுஎஸ்பி போர்ட் உள்ளவர்கள் யுஎஸ்பி இன்டர் பேஸ் கொண்ட லேசர் பிரின்டரை வாங்க வேண்டும். காரணம், இதன் வேகம் அதிகம்.

3. எவ்வளவு காகிதங்களை பிரின்டரின் டிரேயில் வைக்க முடியும் என்பதைக் கவனியுங்கள். விலை குறைந்த சில பிரின்டர்களில் ஏறத்தாழ 100 காகிதங்களை மட்டுமே டிரேயில் வைக்க முடியும். விலை கூடிய ஒரு சில பிரின்டர்களில் ஏறத்தாழ 600 காகிதங்களை வைக்க முடியும். நிறைய காகிதங்களைப் பிரின்டரில் வைப்பதாக இருந்தால், அச்சடிக்கும் கட்டளையை கொடுத்து விட்டு வேறு வேலைகளை நீங்கள் பார்க்கலாம். இல்லையெனில் பிரின்டரின் பக்கத்திலேயே நின்று கொண்டு காகிதங்கள் தீர்ந்து போனால் புது காகிதங்களை அடுக்க வேண்டியிருக்கும்.

4.யானையைக் கொடுத்து விட்டு அங்குசத்தை கொடுக்காமல் விட்டால் என்னவாகும்? அதுபோல் பிரின்டரைக் கொடுத்து விட்டு அதற்கான இன்டர்பேஸ் கேபிளைத் தராவிட்டால் என்னவாகும்? பல நிறுவனங்கள் இந்த கேபிள்கள் இல்லாமல் லேசர் பிரின்டர்களை விற்கின்றன. தனியாக இந்த கேபிள்களை வாங்க கடை கடையாக ஏறி இறங்க வேண்டும். எனவே பிரின்டருடன் இன்டர் பேஸ் கேபிளையும் சேர்த்து தருகிறவர் களிடமே வாங்குங்கள்.

5. வாங்கப் போகும் லேசர் பிரிண்டருக்கான டோனரின் விலை குறைவாக உள்ளதா என்று பார்க்க வேண்டும். டோனர் தீர்ந்தவுடன் உடனடியாக கிடைக்கிறதா என்பதையும் விசாரியுங்கள்.

6. டோனரின் விலையைப் பார்ப்பதை விட மற்றொரு அம்சத்தையும் பார்க்க வேண்டும். ஒரு பக்கம் அச்சடிக்க எவ்வளவு பணம் செலவாகிறது என்ற அந்த அம்சத்தை பலர் கண்டு கொள்ளுவதே இல்லை. ஆனால் அதுதான் முக்கியம். ஒரு பக்கத்தை அச்சடிக்க எந்த பிரின்டரில் செலவு குறைவாக வருகிறதோ அதுதான் சிறந்த பிரின்டர் என்பதைச் சொல்ல வேண்டியதில்லை.

7. LCD display உள்ள லேசர் பிரின்டராக இருந்தால் நல்லது. என்ன நிலையில் இயங்குகிறது, என்ன செய்ய வேண்டும் போன்ற விவரங்களை எல்சிடி மூலம் நீங்கள் தெரிந்து கொள்ள முடியும்.

8. Led விளக்குகள் நிறைய இருந்தால் நல்லது. பொதுவாக Power, Paper jam, Toner low, load Paper, Paper out, Ready, Error, Manual, Data, Alarm போன்ற பல விஷயங்களை உங்களுக்கு தெரிவிக்க சிறு விளக்குகள் இருந்தால் நல்லது. எல்சிடி டிஸ்பிளே இல்லாத லேசர் பிரின்டர்களில் இந்த விளக்குகள்தான் உங்களுக்கு உதவும்.

9. Input Buffer எனப்படுகிற நினைவகம் அதிகம் இருக்க வேண்டும். 12 MB buffer உள்ள பிரின்டரின் விலை சற்று அதிகமாக இருக்கும். குறைந்தது 8 எம்பி பபர் உள்ள லேசர் பிரின்டரை வாங்குவது நல்லது.

10. காகிதங்களை வைப்பதற்கான டிரேக்கள் (Tray) எத்தனை தரப்பட்டுள்ளது என்பதைப் பாருங்கள். எல்லா பிரின்டர்களிலும் கண்டிப்பாக ஒரு டிரே இருக்கும். இன்னொரு டிரே கூடுதலாக இருப்பது நல்லது.

11. Manual மற்றும் Quick Start Guide ஆகிய உதவிப் புத்தகங்களை லேசர் பிரின்டருடன் தருகிறார்களா என்று பாருங்கள். சிக்கலான நேரங்களில் இருந்த புத்தகங்கள் கை கொடுக்கும்.

12. எடையும், அளவும் எவ்வளவு என்று பாருங்கள். இடம் குறைந்த அலுவலகம் அல்லது சிறிய மேஜையில் பிரின்டரை வைக்க விரும்புபவர்கள் நீள, அகலம் குறைந்த பிரின்டர்களை வாங்குவது நல்லது.

13. உத்தரவாத காலம் அதிகமாக இருக்க வேண்டும். 3 வருடங்கள் உத்தரவாத காலம் கொண்ட பிரின்டர்களாக இருப்பது நல்லது.

14. உங்கள் இடத்துக்கே வந்து பிரின்டரை சரி பார்ப்பார்களா அல்லது அவர்கள் இடத்துக்கு நீங்கள் பிரின்டரை தூக்கிச் செல்ல வேண்டுமா என்பதை விசாரியுங்கள்.

15. உங்கள் ஊரில் அந்த நிறுவனத்தின் சர்வீஸ் சென்டர் உள்ளதா என்பதை விசாரித்துத் தெரிந்து கொள்ளுங்கள். இல்லையெனில் உங்கள் ஊருக்கு அருகில் எங்கு சர்வீஸ் சென்டர் உள்ளது என்பதனைத் தெரிந்து கொள்ளுங்கள்.

கூகிள்-டாக் (Google Talk)- ஒரே நேரத்தில் பல கணக்குகளில்

2009-05-24T21:13:00.002-07:00

நம்மில் பலர் கூகிளின் சேவையான கூகிள் டாக் அல்லது ஜி-டாக் பயன்படுத்துகிறோம். ஆனால் அதில் சில தேவைகளுக்காக பல கணக்குகள் (Account) வைத்திருப்போம் . அவற்றை எல்லாம் ஒரே நேரத்தில் ஜி-டாக் இல் லாக் இன் செய்ய முடியாது .

கீழே உள்ள வழிமுறைகளை செய்வதன் மூலம் நீங்கள் ஒரே நேரத்தில் பல கணக்குகளில் இருந்து இயங்க முடியும்.முதலில் Gtalk messenger ஐ இங்கே தரவிறக்கம் செய்து உங்கள் கணனியில் நிறுவிக் கொள்ளுங்கள்.

01. முதலில் உங்கள் கணித்திரையில் முன்பக்கத்தில் உள்ள G-talk Shortcut ஐ Right click செய்யுங்கள். அல்லது Start -> All Programs -> Google Talk -> Google Talk சென்று Right click செய்யுங்கள்.

அல்லது

02.இனி Shortcut tab ஐ கிளிக் செய்து கீழே படத்தில் காட்டியவாறு /startmenu என்பதை -nomutex ஆக மாற்றுங்கள் .அவ்வளவுதான் இனி OK செய்து வெளியேறுங்கள்.

இனியென்ன ஒரே நேரத்தில் பல அக்கவுன்ட்களில் இருந்து ஜி -டாக் ஐ இயக்கலாம்.இதைப்பற்றிய உங்கள் கருத்துக்களையும் கூறவும்.

ஜி-மெயிலில் ஆர்க்கிவ் (archive) பட்டன் ஏன்? எதற்காக?

2009-05-24T21:13:00.001-07:00

எழுதியவர் : கார்த்திக் 04 May 2009

ஜிமெயிலின் ஒரு பெரிய வசதி அல்லது பரிமாணம் அது தனக்கென ஒரு சேமித்து வைக்கும் (கொடவுண்) இடத்தை வைத்திருப்பதுதான். ஜிமெயிலைப் பயன்படுத்தத் தொடங்கிய காலத்தில் பலருக்கு இது புதிராகவே இருக்கும். இந்த ஆர்க்கிவ் என்பது உங்கள் மெயில்களைப் பல ஆண்டுகள் தொடர்ந்து வைத்திருக்கும் என்பதல்ல. அவற்றை அது விடவே விடாது; என்றும் விட்டு விடாது என்று எண்ண வேண்டாம்.

இந்த ஆர்க்கிவ் பட்டனை உங்கள் ஜிமெயிலின் இன்பாக்ஸ் தோற்றத்தில் காணலாம். இதில் கிளிக் செய்தால் அது அப்போது கர்சர் உள்ள இமெயில் செய்தியை இன்பாக்ஸிலிருந்து எடுத்துவிடுகிறது. அப்புறம் என்ன செய்கிறது? ஏன் எடுக்கிறது? இது உங்கள் இமெயில்களை ஒரு ஒழுங்கு செய்திடும் வேலை தான். நீங்கள் ஆச்சரியப்படலாம். இன்பாக்ஸிலிருந்து எடுக்கப்பட்ட இமெயில் எங்கு செல்கிறது என்று பார்க்க விரும்பலாம். இது நீங்கள் அந்த இமெயில் செய்திக்கு ஏதேனும் லேபிள் பெயர் தந்திருக்கிறீர்களா என்பதைப் பொறுத்து உள்ளது. நீங்கள் அதற்கு லேபிள் கொடுத்திருந்தால் அது அந்த லேபிளுக்கான பாக்ஸிற்குச் செல்கிறது.இதனை ஆல் மெயில் பிரிவிலும் (All Mail) பார்க்கலாம்.

இதனைக் கொஞ்சம் இன்னும் பின்னோக்கிச் சென்று விளக்கமாகப் பார்க்கலாம். உங்கள் ஜிமெயிலுக்கு ஒரு இமெயில் செய்தி வந்தவுடன் அது தானாகவே இன்பாக்ஸ் லேபிலை வாங்கி கொண்டு இன்பாக்ஸ் பிரிவில் வைக்கப்படுகிறது. இதனுடைய லேபிளை மாற்றாதவரை அது வேறு எந்த பிரிவிற்கும் மாற்றப்படுவதில்லை. இதற்கு ஒரு லேபிள் தராமல் ஆர்க்கிவ் பட்டன் அழுத்தி ஆர்க்கிவ் பிரிவிற்கு அனுப்பினால் ஆல் மெயில் வியூவில் மெசேஜிற்கு அடுத்தபடியாக "Inbox என்று இருப்பதைக் காணலாம். இது எதற்காக என்றால் உங்களின் அனைத்து மெயில்களையும் நீங்கள் அவை எங்கிருந்து வந்தவை என்று பார்ப்பதற்காக. அதே நேரத்தில் அவை ஆல் மெயில் போல்டரிலும் காட்டப்படுகின்றன.

இதனை இன்னும் விளக்கமாகப் புரிந்து கொள்ளவும் இந்த ஏற்பாட்டினைச் சோதித்துப் பார்க்கவும் கீழ்க்கண்டபடி செயல்படவும். இன் பாக்ஸ் சென்று ஏதேனும் ஒரு இமெயில் மெசேஜைத் தேர்ந்தெடுக்கவும். இதற்கு ஒரு லேபில் கொடுக்கவும். ஆனால் ஆர்க்கிவ் செய்திட வேண்டாம். இனி நீங்கள் கொடுத்த லேபில் வியூ சென்று அங்கு உள்ள பட்டியலில் இந்த இமெயில் செய்தி இடம் பெற்றிருப்பதனைக் காணுங்கள். இங்கு நீங்கள் கொடுத்த லேபிலும் முதலிலேயே அதற்கு வழங்கப்பட்ட இன்பாக்ஸ் லேபிலும் காட்டப்படுவதனைக் காணலாம். இவை ஆல் மெயில் போல்டரிலும் காட்டப்படும்.

இப்போது மீண்டும் இன் பாக்ஸ் சென்று இன்னொரு மெசேஜைத் தேர்ந்தெடுங்கள். இப்போது அதற்கு ஒரு லேபில் அமைத்து ஆர்க்கிவ் பட்டனையும் அழுத்தி ஆர்க்கிவ் செய்திடுங்கள். அடுத்து லேபில் வியூவில் சென்று பார்த்தால் நீங்கள் அதற்குக் கொடுத்த லேபில் இருக்கும். ஆனால் இன்பாக்ஸ் லேபில் இருக்காது. ஒரு மெசேஜை ஆர்க்கிவ் செய்திடுகையில் அந்த இமெயில் செய்திக்கு வழங்கப்பட்ட இன்பாக்ஸ் லேபில் நீக்கப்படுகிறது.இதனால் இந்த இமெயில் மெசேஜ் இன்பாக்ஸில் தொடர்ந்து காட்டப்படமாட்டாது. நீங்கள் தான் அதனை கொடவுணில் போட்டு விட்டீர்களே.

அப்படியானால் ஆர்க்கிவ் செய்ததை மீண்டும் மீட்டு இன்பாக்ஸ் கொண்டு வர முடியாதா? கொண்டு வந்து அதற்கு வேறு ஒரு லேபில் வழங்க முடியாதா? என்று நீங்கள் கேட்கும் கேள்வி புரிகிறது. தாராளமாகக் கொண்டு வரலாம். ஆர்க்கிவ் சென்று மீட்க விரும்பும் மெசேஜில் கர்சரைக் கொண்டு செல்லவும். அங்கு More Actions என்று ஒரு லிங்க் கிடைக்கும். அதனைக் கிளிக் செய்து கிடைக்கும் மெனுவில் உள்ள Move to Inbox என்பதில் கிளிக் செய்திடவும். நீங்கள் அந்த மெசேஜிற்குச் செய்ததெல்லாம் மீண்டும் ரிவர்ஸ் ஆகி அந்த மெசேஜ் இன்பாக்ஸிற்குச் சென்றுவிடும்.

ஆர்க்கிவ் பட்டன் மூலம் நீங்கள் குறிப்பிட்ட சில இமெயில்களை எடுத்துச் சென்று தனியே பிரித்தெடுத்து வைக்க முடிகிறது. முயற்சி செய்து பார்த்தால் இதனை நீங்கள் விரும்புவீர்கள்.

விண்டோசில் ரெஜிஸ்ட்ரி பேக் அப் செய்தல்

2009-05-24T21:12:00.002-07:00

கம்ப்யூட்டரின் முதுகுத் தண்டாக இருந்து அனைத்து வேலைகளுக்கும் தேவையான செட்டிங்ஸை வழங்கி செயல்படுத்துவது விண்டோஸ் இயக்கத்தின் ரெஜிஸ்ட்ரியாகும். இதில் மாற்றங்களை ஏற்படுத்துகையில் கவனமாக இருக்க வேண்டும். சரியாக மாற்றங்களை ஏற்படுத்தாவிட்டால் கம்ப்யூட்டரில் ஏதேனும் ஒரு புரோகிராம் இயங்குவதில் பிரச்சினை ஏற்படலாம். அல்லது மொத்தமாகவே இயங்குவதில் சிக்கல்கள் உருவாகலாம்.

இதற்காகவே இதில் மாற்றங்களை ஏற்படுத்தும் முன் ரெஜிஸ்ட்ரியை பேக் அப் எடுத்து வைத்துக் கொள்வது நல்லது. அப்போது தான் சரியாக மாற்றங்களை ஏற்படுத்தாவிட்டால் இவ்வாறு சேவ் செய்த பேக் அப் பைலை பயன்படுத்திக் கொள்ளலாம். இங்கு எவ்வாறு பேக் அப் செய்வது என்பதனையும் அதனை எப்படி மீண்டும் பயன்படுத்துவது என்பதனையும் காணலாம்.

விண்டோஸ் 98 மற்றும் ME ஆப்பரேட்டிங் சிஸ்டங்களைப் யன்படுத்துவோருக்கு

Start /Run சென்று அங்கு கிடைக்கும் பாக்ஸில் regedit என டைப் செய்திடவும். அடுத்ததாக Registry மெனு செல்லவும். அடுத்து Export Registry File என்பதில் கிளிக் செய்திடவும். அடுத்து கிடைக்கும் பாக்ஸில் இதனை சேவ் செய்திட ஒரு இடம் தேர்ந்தெடுத்து அதில் இந்த பைலுக்கு ஒரு பெயர் கொடுக்கவும்.

நான் Regbackup_04052009 எனக் கொடுப்பேன். அப்போதுதான் எந்த தேதியன்று இந்த ரெஜிஸ்ட்ரி சேவ் ஆனது என்று தெரியும். அவ்வளவுதான்! ரெஜிஸ்ட்ரி பைல் பேக் அப் ஆகிவிட்டது.

எக்ஸ்பி பயன்படுத்துவோருக்கு

Start /Run சென்று அங்கு கிடைக்கும் பாக்ஸில் regedit என டைப் செய்திடவும். அடுத்து File மெனு கிளிக் செய்து கிடைக்கும் பிரிவுகளில் Export என்பதில் கிளிக் செய்திடவும். அடுத்து கிடைக்கும் பாக்ஸில் இதனை சேவ் செய்திட ஒரு இடம் தேர்ந்தெடுத்து அதில் இந்த பைலுக்கு ஒரு பெயர் கொடுக்கவும். ஏற்கனவே சென்ற பாராவில் இதற்கு எப்படி பெயர் வைக்கலாம் என்று நான் குறிப்பிட்டிருப்பதனை மனதில் கொள்ளவும். இந்த இடத்தில் உங்கள் கவனத்திற்கு ஒரு தகவல். கம்ப்யூட்டரைப் பயன்படுத்தி அதனை மூடுகையில் ஒவ்வொரு முறையும் Windows is saving your settings என்று வருகிறது அல்லவா! அப்போது விண்டோஸ் ரெஜிஸ்ட்ரி பைலை சேவ் செய்கிறது. இருப்பினும் நாமும் சேவ் செய்வது நமக்கு நல்லது.

சரி, ரெஜிஸ்ட்ரியை சேவ் செய்துவிட்டோம். பிரச்சினை ஏற்பட்டது என்றால் எப்படி இதனை மீண்டும் இயக்கத்திற்குக் கொண்டுவருவது என்று பார்க்கலாம்.

முதலாவதாக விண்டோஸ் உங்கள் ரெஜிஸ்ட்ரியை லோட் செய்கையில் அதில் ஏதேனும் ஒரு பிரச்சினைக்குரிய கோடிங்கை கண்டு கொண்டால் தானாகவே அது தான் கடைசியாக பேக்கப் செய்த ரெஜிஸ்ட்ரியை செயல்பாட்டிற்குக் கொண்டு வரும். ஆனால நீங்களாக ரெஜிஸ்ட்ரியுடன் விளையாண்டு அது சரியாக அமைக்கப்படாமல் சிக்கல் ஏற்பட்டது என்றால் நீங்கள் தான் சரி செய்திட வேண்டும்.

Registry Editor Registry மெனுவில் கிளிக் செய்திடுங்கள். அடுத்து உங்கள் பேக் அப் பைலைச் சுட்டிக் காட்டுங்கள். அதன் பின் Import Registry என்பதில் கிளிக் செய்திடுங்கள். மீண்டும் கம்ப்யூட்டரை பூட் செய்திடுங்கள். சரியாகிவிடும்.

நீங்கள் வழக்கமாக பேக் அப் செய்திடும் பணியை ஒரு புரோகிராம் மூலம் மேற்கொள்ளும் வழக்கம் உள்ளவரா? கவலையே இல்லை. நீங்கள் அந்த புரோகிராமில் எந்த எந்த பைல்களை எல்லாம் தானாக பேக் அப் செய்திட வேண்டும் என ஒரு பட்டியல் தயாரித்து வைத்திருப்பீர்கள் அல்லவா? அதில் இதற்கான இரண்டு பைல்களையும் சேர்த்துவிடுங்கள்.

சேர்க்க வேண்டிய பைல்களின் பெயர்கள்: "User.dat" மற்றும் "System.dat"

2008 ஆம் ஆண்டின் சிறந்த புகைப்படங்கள்

2009-05-24T21:12:00.001-07:00

அறிவியல் ஆர்வம் உள்ளவர்களுக்கான இணையத்தளம்

2009-05-24T21:11:00.002-07:00

அறிவியல் கண்டுபிடிப்புகள், தொழிற்சாலைகள், வர்த்தக நிறுவனங்கள் மற்றும் சமுதாய பிரிவுகளில் இந்த கண்டுபிடிப்புகளின் பயன்கள் ஆகியன குறித்து மிக விரிவாக நீங்கள் அறிய வேண்டுமா?

அறிவியல் மற்றும் தொழில்நுட்பம் குறித்து பல பிரிவுகளில் தகவல்கள் இங்கு கிடைக்கின்றன. டினோசார்ஸ் முதல் அஸ்ட்ரோ பயாலஜி வரை இதன் எல்லைகள் விரிந்து கிடக்கின்றன.

மார்ஸ் கிரகம் என்னவென்று தெரிய வேண்டுமா? ஸ்டெம் செல் என்றால் என்ன? இதன் பயன் என்னவென்று தெரிய வேண்டுமா? ஜெனடிக்ஸ் சயின்ஸ் எதைக் குறிக்கிறது என அறிய வேண்டுமா? இல்லை பொதுவாக நவீன கண்டுபிடிப்புகள் மற்றும் அறிவியல் கோட்பாடுகளையும் அவை பயன்படும் பிரிவுகளையும் தெரிய வேண்டுமா? இந்த தளம் உங்களுக்குத் தேவையானதை வாரி வழங்குகிறது. அறிவியல் துறை செய்திகள், தலைப்புச் செய்திகள், விந்தை மிகு கதைகள், ஆச்சரியமான உண்மைகள் என அனைவருக்குமான அறிவியல் துணுக்குகள் இங்கு உள்ளன.

மிக ஆழமான கருத்து செறிந்த கட்டுரைகளும் இடம் பெற்றுள்ளன. இந்த தளத்தில் உலா வருவதும் எளிமைப்படுத்தப்பட்டுள்ளது. குழந்தைகள் கூட இதனை எளிதாகப் பயன்படுத்தலாம். நீங்கள் பயன்படுத்துவது மட்டுமின்றி உங்கள் குழந்தைகளையும் இதற்கு அறிமுகப்படுத்துங்கள்.

இலவசம் இருக்கையில் ஏன் திருட்டு சாப்ட்வேர்?

2009-05-24T21:11:00.001-07:00

இந்தியாவில் அதிக எண்ணிக்கையில் திருட்டுத் தனமாக காப்பி எடுத்து பயன்படுத்தும் சாப்ட்வேர் தொகுப்பு எது எனக் கேட்டால் சற்றும் சிந்திக்காமல் மைக்ரோசாப்ட் ஆபீஸ் தொகுப்பு எனக் கூறிவிடலாம். உலக அளவில் பல நாடுகளில் இந்த தொகுப்பு தான் நகலெடுத்துப் பயன்படுத்தப்படுகிறது. இது சட்ட ரீதியாகப் பல பிரச்னைகளைத் தரும் என்றாலும் சில அலுவலகங்களில் கூட திருட்டுத் தனமாக இதனைப் பயன்படுத்தும் பழக்கம் பரவி வருகிறது.

சட்டப் பிரச்னைகளைக் காட்டிலும் நாம் நகல் தொகுப்புகளைப் பயன்படுத்தினால் மைக்ரோசாப்ட் இதில் ஏற்படும் பிரச்சினைகளுக்கான தீர்வினை வழங்காது. இலவச அப்டேட் தொகுப்புகள் கிடைக்காது.

மைக்ரோசாப்ட் ஆபீஸ் தொகுப்பு தரும் அனைத்து பயன்களையும் தரும் இலவச ஆபீஸ் தொகுப்புகள் பல இருக்கும் போது ஏன் நாம் இது போல திருட்டு தொகுப்பினைப் பயன்படுத்த வேண்டும். ஒன்றல்ல பல ஆபீஸ் தொகுப்புகள் நாம் பயன்படுத்த இலவசமாக இணையத்தில் கிடைக்கின்றன. இவை குறித்து இங்கு காணலாம்.

1. லோட்டஸ் சிம்பனி

கம்ப்யூட்டர் பயன்பாட்டில் தொடக்க காலத்திலேயே தன் தடம் பதித்த ஐ.பி.எம். நிறுவனம் பெர்சனல் கம்ப்யூட்டர் சாப்ட்வேர் உலகில் மைக்ரோசாப்ட் நிறுவனம் கொண்டுள்ள இடத்தினைக் காலி செய்திட பல்வேறு முயற்சிகளை எடுத்து வருகிறது. அந்த முயற்சிகளில் ஒன்றுதான் லோட்டஸ் சிம்பனி என்ற சாப்ட்வேர் தொகுப்பாகும். இதில் ஒரு வேர்ட் ப்ராசசர், ஸ்ப்ரெட் ஷீட் மற்றும் பிரசன்டேஷன் சாப்ட்வேர் ஆகியன இணைந்து தரப்பட்டுள்ளன. இந்த சாப்ட்வேர் தொகுப்பினை இலவசமாய் இறக்கிக் கொள்ள கீழே முகவரியில் உள்ள தளத்திற்குச் செல்லவும்.

தள முகவரி: இங்கே கிளிக் செய்யவும்

இந்த இலவச சாப்ட்வேர் தொகுப்பு எந்தவித பிரச்சினையும் இன்றி சிறப்பாக இயங்குகிறது. எம்.எஸ். ஆபீஸ் தொகுப்பின் அனைத்து தொகுப்புகளுடன் இணைந்து இயங்குகிறது. அதாவது ஆபீஸ் தொகுப்பில் உருவான அனைத்து பைல்களையும் இதில் திறந்து பயன்படுத்தலாம். இதில் பயன்படுத்தி மீண்டும் எம்.எஸ். ஆபீஸ் பார்மட்டில் சேவ் செய்து அந்த பைலை எம்.எஸ். ஆபீஸ் தொகுப்பில் மீண்டும் பயன்படுத்தலாம்.

இந்த லோட்டஸ் சிம்பனி தொகுப்பில் ஒரே ஒரு பிரச்னை உள்ளது. அது இதன் டவுண்லோடிங் நேரம் தான். பொதுவாக எந்த ஆபீஸ் தொகுப்பும் சற்று ஹெவியாகத் தான் இருக்கும். அதே போல இந்த தொகுப்பும் உள்ளது.

இந்தியாவில் பொதுவாக பிராட்பேண்ட் இன்டர்நெட் இணைப்பு பயன்படும் விதத்தை வைத்துப் பார்க்கையில் இதனை டவுண்லோட் செய்திட மணிக்கணக்கில் நேரம் எடுக்கும். ஆனால் நம் மக்கள் திரைப்படங்களையே மணிக் கணக்கில் டவுண்லோட் செய்வதால் இது போன்ற சாப்ட்வேர் தொகுப்பு களையும் டவுண்லோட் செய்திடலாம். எந்தவிதச் சட்ட சிக்கல் இன்றி சுதந்திரமாக ஒரு தொகுப்பினைப் பயன்படுத்த இன்டர்நெட் கட்டணம் செலுத்துவதில் தவறில்லை.

ஒருமுறை டவுண்லோட் செய்து பின் இன்ஸ்டால் செய்து பயன்படுத்த தொடங்கிவிட்டால் இது ஒரு அதிகப் பயனுள்ள புரோகிராம் என்பதனை உணரலாம். மேலும் இதன் பைல்கள் ஓப்பன் டாகுமெண்ட் பார்மட்டில் இருப்பதால் இந்த பைல்களை எந்த வரையறையும் கட்டுப்படுத்தாது. எனவே அனைத்து வகைகளிலும் சுதந்திரமாய் இயங்க இந்த சாப்ட்வேர் தொகுப்பு வழி வகுக்கிறது.

2. ஓப்பன் ஆபீஸ்

எம்.எஸ்.ஆபீஸ் தொகுப்பில் உள்ள அனைத்து வேலைகளையும் மேற்கொள்ள வழி வகுக்கும் இன்னொரு தொகுப்பு ஓப்பன் ஆபீஸ் தொகுப்பு. இதுவும் இலவசமே. www.openoffice.org என்ற முகவரியில் உள்ள தளம் சென்று இதனை இலவசமாய் டவுண்லோட் செய்திடலாம். இதே தொகுப்பினை சன் மைக்ரோ சிஸ்டம் நிறுவனத்தின் வெப்சைட்டிலும் பெற்றுக் கொள்ளலாம்.

இதன் முகவரி: இங்கே கிளிக் செய்யவும்

இந்த தொகுப்பும் எம்.எஸ். ஆபீஸ் தொகுப்புடன் முழுமையாக இணைந்து செயல்படும் வகையில் வடிவமைக்கப்பட்டுள்ளது. எனவே இந்த இரண்டு தொகுப்புகளிலும் மாற்றி மாற்றி பைல்களை செயல்படுத்தலாம். அது மட்டுமின்றி ஓப்பன் ஆபீஸ் தொகுப்பு அனைத்து ஆப்பரேட்டிங் சிஸ்டங்களிலும் இயங்கும்படி அமைக்கப்பட்டுள்ளது. விண்டோஸ், லினக்ஸ், சோலாரிஸ், மேக் ஓ.எஸ். எக்ஸ், ஆகிய ஆப்பரேட்டிங் சிஸ்டங்களில் இது இயங்குகிறது. ஏறத்தாழ 100க்கும் மேற்பட்ட மொழிகளில் இது கிடைக்கிறது.

நீங்கள் சாப்ட்வேர் புரோகிராமராக இருந்தால் இந்த தொகுப்பின் சோர்ஸ் கோட் பெற்று நீங்களும் இதனை மேம்படுத்த கோடிங் வழங்கலாம். இந்த தொகுப்பின் பெரும்பான்மையான வடிவமைப்பு சி ப்ளஸ் ப்ளஸ் மொழியில் அமைக்கப்பட்டுள்ளது.

3. ஸ்டார் ஆபீஸ்

இந்த தொகுப்பு இலவசமல்ல. ஆனால் மைக்ரோசாப்ட் ஆபீஸ் தொகுப்பின் விலையுடன் ஒப்பிடுகையில் இது மிக மிகக் குறைவுதான். ரூ.5,000க்கும் குறைவான விலையில் இது சன் மைக்ரோ சிஸ்டத்தால் விற்பனை செய்யப்படுகிறது. தொடக்கத்தில் இது முற்றிலும் இலவசமாக சிடிக்களில் பதிந்து வழங்கப்பட்டது. அந்த பழைய தொகுப்புகள் இருந்தால் இப்போதும் அவற்றைப் பயன்படுத்தலாம். இந்த தொகுப்பு +2 மாணவர்களுக்கான கம்ப்யூட்டர் அறிவியல் பாடத்திட்டத்தில் சேர்க்கப்பட்டிருந்தது.

கட்டணம் செலுத்தி இதனைப் பெற விரும்புபவர்கள் செல்ல வேண்டிய தள முகவரி: இங்கே கிளிக் செய்யவும்

இங்கு சென்றபின் 69.95 டாலர் பணம் செலுத்தினால் இந்த தொகுப்பினை டவுண்லோட் செய்து கொள்ளலாம். வேர்ட் ப்ராசசர், ஸ்ப்ரெட் ஷீட், பிரசன்டேஷன், டிராயிங், டேட்டா பேஸ் பயன்பாடு ஆகியவற்றில் பெரிய அளவில் வசதிகளைக் கொண்டு இந்த தொகுப்பு உள்ளதாக அறிவிக்கப்பட்டுள்ளது. இந்த தொகுப்பும் எம்.எஸ். ஆபீஸ் தொகுப்புடன் இணைந்து செயல்படுகிறது.

4. கூகுள் டாக்ஸ்

வேர்ட் ப்ராசசிங் அல்லது ஸ்ப்ரெட் ஷீட் புரோகிராம்களில் இயங்க இப்போதெல்லாம் பெரிய அளவிலான ஆபீஸ் தொகுப்புகளைப் பதிந்து இயக்க வேண்டியதில்லை. இணைய வெளியில் இந்த ஆபீஸ் தொகுப்புகளை கூகுள் டாக்ஸ் என கூகுள் நிறுவனம் இலவசமாக வழங்குகிறது. இதுவும் கூட மைக்ரோசாப்ட் நிறுவனத்தின் ஆபீஸ் தொகுப்பிற்கு போட்டியானது என்று கூறலாம். ஒருமுறை இதனைப் பயன்படுத்தியவர்கள் தொடர்ந்து இதனைப் பயன்படுத்துவார்கள் என எதிர்பார்க்கலாம். இதில் உருவாக்கப்படும் டாகுமெண்ட்கள், ஸ்ப்ரெட் ஷீட்கள் அல்லது பிரசன்டேஷன் பைல்களை எம்.எஸ். ஆபீஸ் தொகுப்பிலும் பயன்படுத்தலாம்.

மேலும் கூகுள் டாக்ஸ் மூலம் உருவாக்கப்படும் பைல்கள் பாதுகாப்பாக சர்வரிலும் சேவ் செய்து வைக்கலாம். இதனால் எந்த வித வைரஸ் தாக்குதலும் இருக்காது. மேலும் ஆன்லைனில் சேவ் செய்து வைப்பதால் குறிப்பிட்ட கம்ப்யூட்டரில் தான் பைல் உள்ளது. அங்கு சென்று பைலை எடுக்க வேண்டும் என்ப தெல்லாம் இல்லை. எந்த ஊரி லும் சென்று இணைய இணைப் பின் மூலம் கூகுள் சர்வர் இணைப்பு பெற்று உங்கள் பைல்களை நீங் கள் கையாளலாம். தொடர்ந்து இணைய பயன்பாடு அதிகரித்து வருவதாலும், அதற்கான கட்டணம் குறைந்து வருவ தாலும் இனிமேல் கூகுள் டாக்ஸ் போன்ற ஆபீஸ் தொகுப் புகளின் பயன்பாடுதான் அனை வராலும் விரும்பப்படும் என்றுரைக் கலாம்.

5. திங்க் ப்ரீ

இலவசமாய்க் கிடைக்கும் ஒன்னொரு ஆபீஸ் புரோகிராம் திங்க் ப்ரீ (ThinkFree) இதனைப் பெற இந்த முகவரியில்உள்ள தளத்தை அணுகவும்.

இந்த தொகுப்பு உங்கள் பைல்களை ஸ்டோர் செய்து வைக்க 1 ஜிபி இலவச இடம் வழங்குகிறது.இந்த தொகுப்பைப் பயன்படுத்த இதன் வெப்சைட் சென்று பதிந்து கொள்ள வேண்டும். அதன்பின் கூகுள் டாக்ஸ் தளம் தருவது போல ஆன்லைனில் இந்த ஆபீஸ் தொகுப்பைப் பயன்படுத்திக் கொள்ள அனுமதிக்கப்படுவீர்கள். இதன் ஒரு சிறப்பு இதன் இன்டர்பேஸ் அனைத்தும் (ஐகான், மெனு, செயல்பாடு) எம்.எஸ். ஆபீஸ் தொகுப்பில் உள்ளது போலவே உள்ளன.

6. ஸோஹோ – ஒர்க் ஆன்லைன்

ஆன்லைனில் கிடைக்கும் இலவச ஆபீஸ் சாப்ட்வேர் தொகுப்புகளில் மிகச் சிறந்தது இதுதான் என்று இதனைப் பயன்படுத்துபவர்கள் சத்தியம் செய்து கூறுவார்கள். அதிகம் வளைந்து கொடுக்கும் தன்மை கொண்டது இந்த தொகுப்பு. எந்த பார்மட்டிலும் ஆபீஸ் டாகுமெண்ட் பைல்களை இதில் கொண்டு வந்து இயக்கலாம்.

இதிலும் உருவாக்கலாம். கூகுள் டாக்ஸ் போலவே இதில் பதிந்து இயங்க வேண்டும்.
இந்த தளத்தின் முகவரி : இங்கே கிளிக் செய்யவும்

இன்னும் இது போல பல ஆபீஸ் தொகுப்புகள் இணைய வெளியில் கிடைக் கின்றன. பல சாப்ட்வேர் வல்லுநர்கள் ஆபீஸ் தொகுப்பு உலகில் மைக்ரோசாப்ட் நிறுவனத்தின் இடத்தைத் தகர்க்கும் எண்ணத்துடனும், மக்களுக்கு இலவசமாய் இந்த சமாச்சாரங்கள் கிடைக்க வேண்டும் என்ற எண்ணத்துடனும் உழைக்கின்றனர் என்பது தெளிவாகிறது.

Abi Word, Jarte Word Processor, Yeah Write for Windows, Gnome Office, NeoOffice, neoOffice/J மற்றும் Koffice ஆகியவை இந்த வகையில் வெளியாகி இணைய வெளியில் கிடைக்கின்றன. இவை அனைத்தும் விண்டோஸ் இயக்கத்தில் இயங்குவதில்லை. மேக், லினக்ஸ் இயக்கத்தில் இயங்குபவையும் இந்த பட்டியலில் உள்ளன. இவற்றை சர்ச் இஞ்சினில் தேடி அதன் தளம் சென்று பார்த்து இவற்றையும் டவுண்லோட் செய்து இயக்கித்தான் பாருங்களேன்.

விண்டோஸ் எக்ஸ்பியில் மை மியூசிக்

2009-05-24T21:10:00.001-07:00

விண்டோஸ் எக்ஸ்பி சிஸ்டத்தில் டிபால்ட்டாக சில போல்டர்கள் உருவாக்கப்பட்டு நமக்குக் கிடைக்கின்றன. அவற்றில் மை மியூசிக் (My Music) போல்டரும் ஒன்று. இந்த போல்டரில் தான் நீங்கள் இன்டர்நெட்டில் இறக்கும் ஆடியோ மற்றும் வீடியோ பைல்கள் தாமாக சேவ் செய்யப்படும். நீங்கள் இறக்கப்படும் ஆடியோ பைல் குறிப்பிட்ட டைரக்டரியில் இறங்க வேண்டும் என்றால் நீங்களாக அதனை மாற்ற வேண்டும். விண்டோஸ் மீடியா பிளேயரில் இயக்கி பின் சேவ் செய்தாலும் அது மை மியூசிக் போல்டரில் தான் பதியப்படும். மை பிக்சர்ஸ் போல்டரைப் போல இதுவும் மை டாகுமெண்ட்ஸ் போல்டரின் ஒரு பகுதியாகும்.

மை மியூசிக் போல்டர் திறக்க நீங்கள் மை டாகுமெண்ட்ஸ் போல்டரைத் திறக்க வேண்டியதில்லை. ஸ்டார்ட் பட்டனை அழுத்துங்கள். கிடைக்கும் ஸ்டார்ட் பாப் அப் மெனுவில் வலது பக்கம் இருக்கும் பிரிவில் இது மூன்றாவதாகவோ அல்லது நான்காவதாகவோ இருக்கும்.

மை டாகுமென்ட்ஸ் போல்டர் திறந்தும் அதில் உள்ள மை மியூசிக் மீது கிளிக் செய்தும் இந்த போல்டரைத் திறக்கலாம். மை பிக்சர்ஸ் போல்டர் போல மை மியூசிக் போல்டரும் தம்ப் நெயில் பார்மட்டில் காணப்படும். மை மியூசிக் போல்டரில் சேவ் செய்யப்பட்ட ஒரு ஆடியோ பைலை இயக்க அதன் ஐகான் மீது ரைட் கிளிக் செய்து கிடைக்கும் மெனுவில் கடூச்தூ என்பதில் கிளிக் செய்திடவும். உடன் அந்த ஆடியோ பைல் விண்டோஸ் மீடியா பிளேயரில் இசைக்கப்படும்.

ஒரு குறிப்பிட்ட போல்டரில் உள்ள ஆடியோ பைல்கள் அனைத்தையும் இயக்க மை மியூசிக் போல்டரில் உள்ள மல்ட்டி டாஸ்க் என்னும் செக்ஷனில் உள்ள Play All ஹைப்பர் லிங்க்கை கிளிக் செய்திடும் முன் போல்டர் ஐகானைக் கிளிக் செய்திடவும். மை மியூசிக் போல்டரில் உள்ள அனைத்து ஆடியோ பைல்களையும் இயக்க பிளே ஆல் ஹைப்பர் லிங்க் கிளிக் செய்திடும் முன் வேறு எந்த போல்டரும் பைலும் செலக்ட் ஆகவில்லை என்பதனை உறுதி செய்து கொள்ள வேண்டும்.

சி.டி இல் காப்பி செய்யும் போது...

2009-05-24T21:09:00.002-07:00

பைல்களையும் போல்டர்களையும் சிடியில் காப்பி செய்திட நாம் மேற்கொள்ள வேண்டிய வழிமுறைகளை இங்கு காணலாம்.

சிடி டிரைவில் எழுதப்படக் கூடிய காலியான சிடி ஒன்றை வைக்கவும். அடுத்து மை கம்ப்யூட்டரைத் திறக்கவும். எந்த பைல்களையும் போல்டர்களையும் காப்பி செய்திட வேண்டுமோ அவற்றைத் தேர்ந்தெடுக்கவும். ஒரு பைலுக்கு மேலாக செலக்ட் செய்திட வேண்டி இருந்தால் கண்ட்ரோல் பட்டனை அழுத்தி அந்த பைல்களை ஒவ்வொன்றாக ஒரு முறை கிளிக் செய்திடவும். அடுத்து File மெனு கிளிக் செய்து Folder Tasks என்ற பிரிவில் Copy this file, Copy this folder, or Copy the selected items என்பதில் உங்கள் தேர்வுக்கு உகந்த பட்டனைக் கிளிக் செய்திடவும்.

அடுத்து Copy Items டயலாக் பாக்ஸில் சிடி ரெகார்டிங் டிரைவினைக் கிளிக் செய்து பின் Copy கிளிக் செய்திடவும்.

மை கம்ப்யூட்டர் பிரிவில் சிடி ரெகார்டிங் டிரைவில் டபுள் கிளிக் செய்திடவும். விண்டோஸ் ஒரு தற்காலிக இடத்தை ஒதுக்கும். இங்கு தான் காப்பி செய்யப்பட வேண்டிய பைல்களை வைக்கப்படும். Files Ready to be Written to the CD என்ற பிரிவில் நீங்கள் தேர்ந்தெடுத்த பைல் அல்லது போல்டர் உள்ளதா என்று சரி பார்க்கவும். CD Writing Tasks பிரிவில் Write these files to CD என்பதில் கிளிக் செய்திடவும். அடுத்து விண்டோஸ் சிடி ரைட்டிங் விஸார்ட் ஒன்றைக் காட்டும். அதில் காட்டப்படும் கட்டளைகளைப் பின்பற்றவும்.

சிடியின் கொள்ளளவிற்கும் அதிகமான அளவில் உள்ள பைல்களை காப்பி செய்திட முயற்சிக்கக் கூடாது. தரமான சிடி ஒன்று 650 எம்பி வரை டேட்டாவினை வாங்கிக் கொள்ளும். சில உயர் ரக சிடிக்கள் 850 எம்பி வரை எடுத்துக் கொள்ளும்.

இந்த பைல்களை சிடியில் எழுதும் முன் கம்ப்யூட்டர் தற்காலிக இடத்தில் வைத்துக் கொள்ளும் என்று குறிப்பிட்டோம் அல்லவா? இந்த பைல்களின் அளவிற்கு ஹார்ட் டிஸ்க்கில் இடம் இருக்க வேண்டும். ஒரு ஸ்டாண்டர்ட் சிடிக்கு விண்டோஸ் ஹார்ட் டிஸ்க்கில் 700 எம்பி அளவிலான இடத்தை ஒதுக்கும். உயர் வகை சிடிக்கு 1 ஜிபி வரையில் இடம் ஒதுக்கப்படும்.

சிடியில் அனைத்து பைல்களும் காப்பி ஆன பின்னர் மீண்டும் சிடி டிரைவில் கிளிக் செய்து நீங்கள் தேர்ந்தெடுத்த பைல்கள் அனைத்தும் காப்பி ஆகிவிட்டனவா என்று பார்க்கவும்.

சிடி எழுதி முடித்தவுடன் சிடி ட்ரேயின் கதவு திறக்கப்பட்டு வெளியே எட்டிப் பார்க்கிறதா?இது உங்களுக்குப் பிடிக்கவில்லையா? அப்படியானால் இதனை மாற்றி செட் செய்துவிடலாம்.

My computer ஐத் திறக்கவும். சிடி டிரைவின் மீது ரைட் கிளிக் செய்திடவும். கிடைக்கும் மெனுவில் Properties கிளிக் செய்திடவும். Recording டேப் தேர்ந்தெடுத்து அதில் Automatically eject the CD after writing என்று உள்ள இடத்தில் உள்ள டிக் அடையாளத்தை நீக்கவும். ஓகே கிளிக் செய்து வெளியேறவும். இனி சிடியில் பைல்கள் எழுதி முடித்த பின்னர் நீங்களாக டிரைவைத் திறக்காமல் தானாக அது திறக்காது.

ஐ.பி.எல். சூதாட்டத்தை வெளிப்படையாக வளர்க்கிறது

2009-05-24T21:09:00.001-07:00

தென் அப்பிரிக்காவில் நடைபெற்று வரும் ஐ.பி.எல். கிரிக்கெட்டில் ரசிகர்களுக்கு அறிமுகப்படுத்தப்பட்டுள்ள புதிய எஸ்.எம்.எஸ். விளையாட்டுப் போட்டி, அதாவது பந்துக்கு பந்து என்ன ஆகும் என்று கணித்து ரொக்கப்பரிசுகளை வெல்லும் போட்டி அறிமுகம் செய்யப்பட்டுள்ளது. இதனை கண்டித்துள்ள மத்திய விளையாட்டுத் துறை அமைச்சர் கில், இது வெளிப்படையாக சூதாட்டத்தை ஊக்குவிப்பதாகும் என்று சாடியுள்ளார்.

வர்த்தக நலன்களுக்காக கிரிக்கெட் ஆட்டத்தை பயன்படுத்துவது கவலையளிப்பதாயுள்ளது என்று அவர் அறிக்கை ஒன்றில் தெரிவித்துள்ளார்.

இது போன்று பந்துக்கு பந்து என்ன நடக்கும் என்பதை கணிக்கும் போட்டிகளில் ரசிகர்களை ஈடுபடுத்துவது பற்றி கிரிக்கெட்டை அதன் ஆட்டத்திற்காக பார்த்க்து வரும் நிபுணர்கள், ரசிகர்கள் கவலை எழுப்பியுள்ளனர். இது மிகவும் மோசமான முன்னுதாரணமாகும்.

இது கிரிக்கெட்டில் சூதாட்டத்தை வளர்க்கும் ஒரு போக்காக பார்க்கபடும், இதனை அதிகாரபூர்வ கிரிக்கெட் அமைப்பு ஏற்கக் கூடாது, சூதாட்டம் சட்டபூர்வமாக உள்ள நாடுகளில் கூட இது போன்ற பந்தயங்கள் பணம் சம்பாதிக்கவும், தொலைக்காட்சி பார்வையாளர்கள் எண்ணிக்கையை அதிகரிக்கவும் செய்யப்படுகிறது.

கிரிக்கெட் என்பது இந்தியாவில் மற்ற விளையாட்டுகளின் குடும்பத்தில் ஒரு பகுதி அதன் தற்போதைய பணபலம் ஒரு போதும் அதனை மற்ற விளையாட்டுகளிலிருந்து தனிமைப் படுத்திக் கொள்ள முடியாது. இந்திய கிரிக்கெட் கட்டுப்பாட்டு வாரியத்தின் இத்தகைய செய்கை ஒரு தொத்து நோய் போல பிற விளையாட்டுக்களுக்கும் பரவும் அபாயம் உள்ளது. ஏற்கனவே ஐ.சி.சி. இது போன்ற கிரிக்கெட் தொடர்களினால் சூதாட்டங்கள் பெருகும் வாய்ப்பை அறிந்துணர்ந்துள்ளது.

ஐ.பி.எல். கிரிக்கெட்டில் இது போன்ற எஸ்.எம்.எஸ். பந்தயங்களை ஊக்குவிப்பதன் மூலம் சூதாட்டத்தை ஒரு புதிய வடிவத்தில் நடைமுறைப்படுத்தியுள்ளது ஐ.பி.எல். நிர்வாகம் என்று சாடியுள்ளார் கில்.

கண்ட்ரோல் பேனல் இரு தோற்றங்கள்

2009-05-24T21:08:00.002-07:00

முதலில் கிளாசிக் வியூவைக் கவனிப்போம். இதனை நீங்கள் தேர்ந்தெடுத்தால் பலவகையான ஐகான்களுடன் ஒரு விண்டோ கிடைக்கும். இந்த ஐகான்களின் மூலம் அனைத்து பிரிவுகளையும் நீங்கள் அடையலாம்: – Accessibility Options, Date and Time, Printers and Faxes, User Accounts என அனைத்தும் இங்கே தனித்தனியாக உள்ளன. அவற்றைக் கிளிக் செய்வதன் மூலம் இவற்றைப் பெற்று குறிப்பிட்ட வகையில் செட் செய்திடலாம்.

கேடகிரி வியூவில் கிடைப்பதைக் காட்டிலும் அதிகமான எண்ணிக்கையில் பிரிவுகளை முதல் தோற்றத்திலேயே பெறலாம். இதுதான் கண்ட்ரோல் பேனலின் மிகப் பழைய தோற்றம். இதற்கு எதிர்மாறாக கேடகிரி வியூ என்பது சுருக்கமான ஒரு விண்டோவினைக் கொடுக்கும். இருந்தாலும் கண்ட்ரோல் பேனல் மூலம் வழக்கமாக எதனை எல்லாம் பெறுகிறீர்களோ அவை அனைத்தையும் இதில் பெறலாம்.

இதில் என்ன பிரச்னை என்றால் சில கம்ப்யூட்டர் தொழில் நுட்பங்கள் அல்லது வழிகள் குறிப்பிட்ட வியூவில் கண்ட்ரோல் பேனல் இருக்க வேண்டும் என்று எதிர்பார்க் கின்றன. அவ்வாறு இல்லை என்றால் அது சிக்கலில் கொண்டு போய்விட்டுவிடும். இருப்பினும் அது எப்போதாவது ஒரு முறை தான் ஏற்படும். அதனால் கம்ப்யூட்டர் பயன்பாட்டிற்கு சிறிதளவும் பாதிப்பினை ஏற்படுத்தாது. மேலும் முதலில் கூறியது போல இந்த இரண்டு வியூக்களுக்கிடையே மாறிக் கொள்வதும் எளிதுதான். இதனை எப்படி மேற்கொள்வது என்பதற்குக் கீழ்க்காணும் வழியைப் பின்பற்றவும். முதலில் Start அழுத்தி, Control Panel செல்லுங்கள். மேலாக இடது மூலையில் பார்க்கவும்.

இதில் "Switch to Category View" அல்லது "Switch to Classic View" என்பதனைப் பார்க்கலாம். இதில் கிளிக் செய்வதன் மூலம் அடுத்த வியூவிற்கு மாறிக் கொள்ளலாம். மாறிக் கொண்டு கண்ட்ரோல் பேனலில் மேற்கொள்ளும் அனைத்து செயல்பாடுகளையும் இதில் மேற்கொள்ளலாம்.

விஸ்டாவில் எக்ஸ்பி பதிப்பது எப்படி?

2009-05-24T21:08:00.001-07:00

நாம் ஏற்கனவே விண்டோஸ் எக்ஸ்பி சிஸ்டத்தினை கட்டணம் செலுத்தி பழைய கம்ப்யூட்டருக்கென வாங்கி இருந்தாலும் அதனைப் புதிய கம்ப்யூட்டரில் பதிந்து செயல்படுத்த முடியவில்லை. மேலும் புதிய கம்ப்யூட்டருக்கான வாரண்டியின் பலன்களை அனுபவிக்க வேண்டும் என்றால் அதில் இருக்கும் விஸ்டாவினை நீக்கிவிட்டால் நாங்கள் பொறுப்பேற்க மாட்டோம் என்றும் கம்ப்யூட்டரை வழங்கிய நிறுவனங்கள் கூறி விடுகின்றன. இந்நிலையில் விஸ்டா இருக்கும் கம்ப்யூட்டர்களிலேயே எக்ஸ்பி ஆப்பரேட்டிங் சிஸ்டத்தினையும் பதிந்து செயல்படுவதற்கான வழிகளை இங்கு காண்போம்.

விஸ்டா ஆப்பரேட்டிங் சிஸ்டம் மீதே எக்ஸ்பி சிஸ்டத்தினையும் பதிய முயற்சித்தால் பின் விஸ்டா இயங்காமல் போய்விடும். அதன் bootloader மீது தான் புதிய இயக்கம் அமர்ந்துவிடுவதால் சிக்கல்கள் ஏற்படுகின்றன. மேலும் விஸ்டாவின் பூட் பைலை எக்ஸ்பி பூட் பைலை எடிட் செய்வது போல அவ்வளவு எளிதாக இயக்க முடிவதில்லை. எனவே ஒரே கம்ப்யூட்டரில் இரண்டு ஆப்பரேட்டிங் சிஸ்டங்கள் இயங்கும் வகையில் டூயல் பூட் என்ற அடிப்படையில் விஸ்டா இருக்கும்போதே எக்ஸ்பியையும் பதிக்க என்ன செய்யலாம் என்று யோசிக்கும்போதுதான் இதற்கு உதவிடும் புரோகிராம் ஒன்று இணையத்தில் இருப்பது தெரிய வந்தது. அந்த புரோகிராமின் பெயர் VistaBootPro. இந்த புரோகிராமினை www.vistabootpro.org என்ற முகவரியில் உள்ள வெப்சைட்டில் இருந்து இலவசமாக டவுண்லோட் செய்திடலாம்.

இந்த புரோகிராமினை டவுண்லோட் செய்து அதன் மூலம் எக்ஸ்பியை விஸ்டா இருக்கும் கம்ப்யூட்டரில் பதிந்திடும் முன் ஏற்கனவே உங்கள் முக்கிய பைல்களை பேக்கப் எடுத்து அவை சரியாகப் பதியப்பட்டிருக்கின்றனவா என்பதனைச் சோதித்து அறிந்த பின் பத்திரமாக அவற்றை வைத்திடுங்கள். பின் கீழே குறித்துள்ளபடி செயல்படவும்.

1. பார்ட்டிஷன் செய்த ஹார்ட் டிஸ்க்கை மீண்டும் பிரித்தல்:

My Computer ஐகானில் கிளிக் செய்து அதில் ‘Manage’ என்னும் பிரிவைத் தேர்ந்தெடுக்கவும். பின் கிடைக்கும் மெனுவில் ‘Disk Management’ என்பதில் கிளிக் செய்திடவும். இங்கு எந்த டிரைவில் எக்ஸ்பியை இன்ஸ்டால் செய்திட விருப்பமோ அதனைத் தேர்ந்தெடுக்கவும். பின் அதன் மீது ரைட் கிளிக் செய்திடவும். இதில் உள்ள காண்டெக்ஸ்ட் மெனுவில் ‘Shrink Volume’ என்பதைத் தேர்ந்தெடுக்கவும்.

2. விண்டோஸ் எக்ஸ்பிக்கு இடம் ஒதுக்குதல்:

அடுத்து தேர்ந்தெடுத்த டிரைவில் விண்டோஸ் எக்ஸ்பி சிஸ்டத்தினை நிறுவ இடம் ஒதுக்க வேண்டும். பொதுவாக 10 ஜிபி இடம் அதற்குப் போதும். உங்கள் டிரைவின் மொத்த இடத்தைப் பொறுத்து விஸ்டா இயக்கம் இதற்கென இடம் ஒதுக்கும். அது 10 ஜிபிக்கும் குறைவாக இருந்தால் நீங்களாக 10 ஜிபி இடம் தேர்ந்தெடுக்க வேண்டும்.

3. புது வால்யூம் உருவாக்குதல்:

டிஸ்க்கை (Shrunk) ஷ்ரங்க் அல்லது மறு பார்ட்டிஷன் செய்த பின்னர் எதற்கும் இடம் ஒதுக்காத ஏரியா ஒன்று டிஸ்க்கில் தென்படும். இது கிரே கலரில் ஷேட் அடித்துக் காட்டப்படும். இந்த ஏரியாவில் ரைட் கிளிக் செய்து கிடைக்கும் மெனுவில் New Simple Volume என்பதில் கிளிக் செய்திடவும். அதன்பின் கீழ்க்காணும் செயல்பாட்டினைச் சரியாக மேற்கொள்ளவும்.

4. புது வால்யூம் இடத்திற்கு பெயர் சூட்டலும் பார்மட் செய்தலும்:

இனி இந்த புதிய இடத்தினை பார்மட் செய்திட வேண்டும். இதில் NTFS பைல் சிஸ்டம் பயன்படுத்தி அதனை விண்டோஸ் எக்ஸ்பி எனப் புதுப் பெயர் கொடுக்கவும். Quick Format என்பதில் டிக் அடையாளம் ஏற்படுத்தி பின் Next என்பதில் கிளிக் செய்திடவும். அதன் பின் கம்ப்யூட்டரை விண்டோஸ் எக்ஸ்பி சிடி கொண்டு பூட் செய்து இந்த இடத்தில் விண்டோஸ் எக்ஸ்பி சிஸ்டத்தினை பதியவும்.

Dual Booting: (டூயல் பூட்டிங்)

1. விஸ்டாவின் BCD புரபைலை பேக் அப் செய்திட:

இனி டவுண்லோட் செய்த விஸ்டா பூட் புரோ புரோகிராமினை இன்ஸ்டால் செய்திடவும். பின் இதனை இயக்கத் தொடங்கியவுடன் Backup / Restore சென்டருக்கு நீங்கள் அழைத்துச் செல்லப்படுவீர்கள். அங்கு Browse என்பதில் கிளிக் செய்து உங்களுடைய விஸ்டா சிஸடத்தின் தற்போதைய BCD புரபைல் பைல்களை பேக் அப் செய்திடவும்.

2. பி.சி.டி. பைல்களைப் பார்த்தல்:

உங்களுடைய பி.சி.டி. ரெஜிஸ்ட்ரி உங்களுக்குக் காட்டப்படும். இதில் எதுவும் எடிட் செய்திட முடியாது.

3.விஸ்டா பூட் லோடரை ரீ – இன்ஸ்டால் செய்தல்:

அடுத்து System Boot loader ஆப்ஷனில் கிளிக் செய்திடவும். இங்கு System Boot loader Install Options (சிஸ்டம் பூட் லோடர் இன்ஸ்டால் ஆப்ஷன்ஸ்) என்ற பிரிவின் கீழ் உள்ள Windows Vista Bootloader என்னும் பகுதியைத் தேர்ந்தெடுக்கவும். இங்கு கிடைக்கும் மெனுவில் All Drives என்பதைத் தேர்ந்தெடுக்கவும். பின்னர் Install Bootloader (இன்ஸ்டால் பூட்லோடர்) என்பதில் கிளிக் செய்தால் விஸ்டா ஆக்டிவேட் ஆகும்.

4. பழைய விண்டோஸ் ஸ்கேன்:

Diagnostics என்ற பிரிவில் Run Diagnostics என்பதில் கிளிக் செய்தால் பழைய விண்டோஸ் சிஸ்டத்திற்கான பதிவுகளை சிஸ்டமே செய்துவிடும்.

5. இரண்டு சிஸ்டங்களை நிர்வகித்தல்:

Manage BCD OS Entries (மேனேஜ் பிசிடி ஓ.எஸ். என்ட்ரீஸ்) என்பதில் கிளிக் செய்திடவும். Rename OS entry என்பதில் செக் செய்து ஆப்பரேட்டிங் சிஸ்டத்திற்கு புதுப் பெயர் கொடுக்கவும். இறுதியாக Apply Updates அப்ளை அப்டேட்ஸ் என்பதில் கிளிக் செய்து ரீஸ்டார்ட் செய்திடவும்.

மேலே சொன்ன அனைத்தும் சரியாக மேற்கொள்ளப்பட்டால் Windows Boot Manager மெனு விஸ்டா மற்றும் எக்ஸ்பி ஆகிய இரண்டு சிஸ்டங்களிலும் பூட் செய்திட ஆப்ஷன்களைக் காட்டும்.

சில குறிப்புகள்:

உங்களுடைய முக்கியமான டாகுமெண்ட் பைல்களை (இமெயில், மியூசிக், வீடியோஸ் மற்றும் முக்கிய ஆவணங்கள்) ஆப்பரேட்டிங் சிஸ்டம் பதியப்பட்டுள்ள டிரைவில் பதியப்படுவதனைத் தவிர்க்கவும். இதன் மூலம் முக்கிய ஆப்பரேட்டிங் சிஸ்டம் பைல்கள் தற்செயலாக நம்மையும் அறியாமல் அழிக்கப்படும் சந்தர்ப்பங்களைத் தவிர்க்கலாம். விஸ்டா மூலம் டிரைவ் பார்ட்டிஷனை மீண்டும் புதுப்பிக்கும் பணியினை மேற்கொள்ளலாம். ஆனாலும் அதில் சில வரையறைகள் உள்ளன. இந்த வகையில் EASEUS Partition Manager என்னும் இலவச புரோகிராம் நமக்கு நம் தேவைக்கேற்றபடி உதவும் வகையில் உள்ளது. இதனை சர்ச் இஞ்சின் மூலம் தேடி டவுண்லோட் செய்து பதிந்து பயன்படுத்தலாம்.

நன்றி: கம்யூட்டர் மலர்

டேட்டா ஸ்டோரேஜ் புதிய கண்டுபிடிப்பு

2009-05-24T21:07:00.000-07:00

இதன் மூலம் 100 டிவிடிக்களில் உள்ள டேட்டாவினை ஒரு டிஸ்க்கில் பதிய முடியும். இந்தக் கணக்கின் படி ஒரு டிஸ்க்கில் 470 ஜிபி அளவில் டேட்டாவினை எழுத முடியும். இது ஏறத்தாழ அரை டெரா பைட் ஆகும். இந்த ஆண்டிலேயே மக்களுக்குக் கிடைக்க இருக்கும் இந்த அரிய தொழில் நுட்பம் இன்னும் பல சோதனைகளுக்குட் படுத்தப்பட்டுக் கொண்டிருக்கிறது. அனைத்து சோதனைகளையும் தாண்டிய பின்னரே இதற்கு அங்கீகாரமும் அனுமதியும் வழங்கப்படும்.

ஹோலோகிராபிக் ஸ்டோரேஜ் என்னும் தொழில் நுட்பத்தின் அடிப்படையில் இது செயல்படுகிறது என ஜி.இ. நிறுவனம் அறிவித்துள்ளது. இந்த தொழில் நுட்பம் குறித்து மேலும் அறிய http://en.wikipedia.org/wiki/Holographic_memory என்ற முகவரியில் உள்ள இணைய தளம் செல்லவும்.

இந்த தொழில் நுட்பம் மூலம் ஒரு முறை எழுதிய இடத்திலேயே மேலும் மேலும் டேட்டாவினை எழுதும் வழிகளை இது அமைத்துத் தருகிறது. தற்போது உள்ள சிடி, டிவிடிக்களில் லேயர் லேயராகத்தான் டேட்டாக்கள் திணிக்கப்படுகின்றன. ஒன்றின் மேலாக ஒன்று எழுதப்படுவதில்லை. 1960 ஆம் ஆண்டிலேயே இந்த தொழில் நுட்பம் குறித்துப் பேசப்பட்டாலும் இப்போதுதான் மக்களுக்குப் பயன் தரும் வகையில் இது வெளிவருகிறது.

விண்டோஸ் டிபிராக் : ஸ்மார்ட் டிபிராக்

2009-05-24T07:55:00.000-07:00

கம்ப்யூட்டரில் பைல்களைத் தொடர்ந்து எழுதுவதும் அழிப்பதுவுமாக இருக்கையில் அவை தொடர்ச்சியாக ஹார்ட் டிஸ்க்கில் எழுதப்படுவதில்லை. ஏனென்றால் அவ்வப்போது பைல்களை அழிக்கையில் ஏற்படும் வெற்றிடங்கள் தொடர்ச்சியாக அடுத்த பைலுக்குக் கிடைப்பதில்லை. இதனைச் சரி செய்திடத்தான் விண்டோஸ் நமக்கு டிபிராக் (‘Defrag’) என்னும் புரோகிராமினைத் தந்துள்ளது.

இதன் மூலம் துண்டு துண்டாக ஹார்ட் டிஸ்க்கில் எழுதப்படும் புரோகிராம்கள் மீண்டும் ஓரளவிற்குத் தொடர்ச்சியாக எழுதப்படுகின்றன. இவ்வாறு எழுதப்பட்ட பின் இந்த பைல்களை ஹார்ட் டிஸ்க்கில் இருந்து படிப்பது விரைவாக நடக்கிறது. எனவே இந்த டிபிராக் செயல்பாட்டினை நாம் பதினைந்து நாட்களுக்கு ஒரு முறை மேற்கொள்ள வேண்டும். இதன் மூலம் ஹார்ட் டிஸ்க்கில் வெற்றிடங்கள் சிதறலாக இல்லாமல் தொடர்ச்சியாக நமக்குக் கிடைக்கிறது. ஆனால் ஒரு முறை டிபிராக் செய்திட கம்ப்யூட்டர் பிராசசரின் வேகம் மற்றும் ஏற்கனவே பைல்கள் ஹார்ட் டிஸ்க்கில் எழுதப்பட்ட விதம் ஆகியவற்றின் அடிப்படையில் நேரம் எடுத்துக் கொள்ளப்படும். இது சில வேளைகளில் நம் பொறுமையைச் சோதிக்கும் வகையில் இருக்கும். அந்நேரத்தில் நம்மால் வேறு எந்த வேலையையும் கம்ப்யூட்டரில் மேற்கொள்ள முடியாது.

இவ்வாறு இல்லாமல், எப்போதெல்லாம் கம்ப்யூட்டரில் எந்த செயல்பாடும் மேற்கொள்ளப்படாமல், பைல்கள் எதுவும் எழுதப்படாமல் இருக்கும் நேரத்தில், பின்னணியில் இந்த டிபிராக் செயல்பாடு தானாகவே மேற்கொள்ளப்பட்டால் எப்படி இருக்கும். முதலில் நமக்கு நேரம் மிச்சமாகும். இரண்டாவதாக டிபிராக் உடனுடக்குடன் செய்யப்படுவதால் புரோகிராம்களையும் பைல்களையும் இயக்குவது வேகமாகவும் எளிதாகவும் மேற்கொள்ளப்படும்.

இந்த வேலையைத்தான் Smart Defrag செய்கிறது. இது ஒரு இலவசமாக டவுண்லோட் செய்யப்படக் கூடிய புரோகிராம். இதனைப் பதிந்துவிட்டால் எப்போதெல்லாம் உங்கள் கம்ப்யூட்டர் ஒன்றுமே செய்யாமல் சும்மா இருக்கிறதோ அப்போதெல்லாம் ஸ்மார்ட் டிபிராக் செயல்பட்டு ஹார்ட் டிஸ்க்கை ஒழுங்கு செய்கிறது. மீண்டும் நீங்கள் கம்ப்யூட்டரில் பணியாற்றத் தொடங்கியவுடன் தற்காலிகமாகத் தன் செயல்பாட்டினை நிறுத்தி வைக்கிறது. நீங்கள் உங்கள் வேலையை நிறுத்தும் வரை காத்திருக்கிறது.

பின் மீண்டும் நீங்கள் வேலையை நிறுத்தியவுடன் தன் பணியை விட்ட இடத்தில் இருந்து தொடர்கிறது. இதனால் நாம் கம்ப்யூட்டரை டிபிராக் செய்வது குறித்து கவலை கொள்ளத் தேவையில்லை. இந்த புரோகிராமை பின்னணியில் இயங்கச் செய்துவிட்டு நம் இஷ்டப்படி கம்ப்யூட்டரை இயக்கிக் கொண்டிருக்கலாம். நம் சிஸ்டமும் ட்யூன் செய்யப்பட்டு எப்போதும் விரைவாகவும் எளிதாகவும் இயங்கும்.

இந்த மென்பொருளை இலவசமாக டவுண்லோட் செய்ய இங்கே கிளிக்செய்யுங்கள்

ஆன்லைன் வைரஸ் பரிசோதனை

2009-05-24T07:54:00.000-07:00

பிரபலமான ஆண்டி வைரஸ் புரோகிராம் வைத்திருக்கிறேன். அவ்வப்போது இன்டர்நெட்டில் அதன் தளம் சென்று அப்டேட் செய்து வருகிறேன். இருந்தாலும் வைரஸ் வந்துவிட்டதோ என்று எப்போதும் அச்சம் என்று சிலர் புலம்புகின்றனர். சிலரோ இத்தகைய புரோகிராம் இருந்தும் வைரஸ் வந்துவிட்டதே என்று தவிக்கின்றனர். ஏன் இந்த நிலை? எத்தகைய திறன் மிக்க ஆண்டி வைரஸ் தொகுப்பாயிருந்தாலும் சில வைரஸ்களை, குறிப்பாகப் புதியதாக எழுதி உலாவிடப்படும் வைரஸ்களைக் கட்டுப்படுத்த இயலவில்லை.

இதற்குக் காரணம் வைரஸ்களை உருவாக்குபவர்கள் புதிய வழிகளைக் கண்டுபிடிப்பதுதான். மேலும் பிரவுசர் மற்றும் அப்ளிகேஷன் புரோகிராம்களில் ஹேக்கர்கள் நுழையும் வகையில் பல பலவீனமான இடங்கள் இருப்பதுதான். இத்தகைய சூழ்நிலைகளில் நமக்கு உதவ இணைய தளம் ஒன்று செயல்படுகிறது.

உங்கள் கம்ப்யூட்டரில் ஏதேனும் ஒரு புரோகிராம் அல்லது பைல் ஒன்றில் வைரஸ் இருப்பதாக நீங்கள் சந்தேகப்பட்டால் அல்லது டவுண்லோட் செய்யப்படும் அனைத்து புரோகிராம்களையும் நீங்கள் சோதித்துப் பார்க்க வேண்டும் என விரும்பினால் உடனே அதனை இந்த தளத்திற்கு அனுப்பலாம். இந்த தளம் நீங்கள் அனுப்பும் புரோகிராமினை முழுமையாக சோதனை செய்து வைரஸ் இருக்கிறதா எனச் சோதிக்கும்.

ஜஸ்ட் லைக் தேட் சோதிக்காமல் 36 வெவ்வேறு வகையான ஆண்டி வைரஸ் புரோகிராம்கள் கொண்டு சோதிக்கும். முடிவுகளை உடனே நமக்கு அறிவிக்கும். இதற்கான கட்டணம் எதுவும் இல்லை. நீங்களும் சந்தேகப்படும் அனைத்து புரோகிராம்களையும் இந்த தளத்திற்கு அனுப்பிப் பார்க்கலாமே.

தற்போது தமிழ் வலைப்பதிவுகளில் நெல்லை தமிழ் திரட்டியால் வழியே வந்த மால்வேர் வைரஸ் பிரச்சினையால் வலைத்தளங்கள் முடக்கப்படுகின்றன. தங்கள் தளங்களிலும் வைரஸ் உடுருவியிருக்குமோ என சந்தேகிப்பவர்கள் தங்கள் வலைப்பதிவுகளை BackUp செய்து இந்த தளத்தில் பரிசோதித்துப் பார்ர்க்கலாம்.

இணையத்தள முகவரி : இங்கே கிளிக் செய்யுங்கள்

கண்ட்ரோல் பேனல் இரு தோற்றங்கள்

2009-05-23T19:48:00.001-07:00

கண்ட்ரோல் பேனல் விண்டோ நமக்கு இருதோற்றங்களில் கிடைக்கிறது. அவை Classic View மற்றும் Category View என அழைக்கப் படுகின்றன. இந்த இரண்டு வெவ்வேறு தோற்றங்களைக் கொண்டு வழக்கமான கண்ட்ரோல் பேனலில் மேற்கொள்ளக் கூடிய அனைத்து பணிகளைச் செயல்படுத்தலாம். ஒன்றுக்கொன்று தோற்றத்தில் தான் வேறுபாட்டினைக் கொண்டுள்ளதே தவிர செயல்பாடுகளில் அல்ல. அதே போல இரண்டு வெவ்வேறு தோற்றங்களுக்கிடையே மிக எளிதாக மாற்றிக் கொள்ளவும் செய்யலாம்.

முதலில் கிளாசிக் வியூவைக் கவனிப்போம். இதனை நீங்கள் தேர்ந்தெடுத்தால் பலவகையான ஐகான்களுடன் ஒரு விண்டோ கிடைக்கும். இந்த ஐகான்களின் மூலம் அனைத்து பிரிவுகளையும் நீங்கள் அடையலாம்: – Accessibility Options, Date and Time, Printers and Faxes, User Accounts என அனைத்தும் இங்கே தனித்தனியாக உள்ளன. அவற்றைக் கிளிக் செய்வதன் மூலம் இவற்றைப் பெற்று குறிப்பிட்ட வகையில் செட் செய்திடலாம்.

கேடகிரி வியூவில் கிடைப்பதைக் காட்டிலும் அதிகமான எண்ணிக்கையில் பிரிவுகளை முதல் தோற்றத்திலேயே பெறலாம். இதுதான் கண்ட்ரோல் பேனலின் மிகப் பழைய தோற்றம். இதற்கு எதிர்மாறாக கேடகிரி வியூ என்பது சுருக்கமான ஒரு விண்டோவினைக் கொடுக்கும். இருந்தாலும் கண்ட்ரோல் பேனல் மூலம் வழக்கமாக எதனை எல்லாம் பெறுகிறீர்களோ அவை அனைத்தையும் இதில் பெறலாம்.

இதில் என்ன பிரச்னை என்றால் சில கம்ப்யூட்டர் தொழில் நுட்பங்கள் அல்லது வழிகள் குறிப்பிட்ட வியூவில் கண்ட்ரோல் பேனல் இருக்க வேண்டும் என்று எதிர்பார்க் கின்றன. அவ்வாறு இல்லை என்றால் அது சிக்கலில் கொண்டு போய்விட்டுவிடும். இருப்பினும் அது எப்போதாவது ஒரு முறை தான் ஏற்படும். அதனால் கம்ப்யூட்டர் பயன்பாட்டிற்கு சிறிதளவும் பாதிப்பினை ஏற்படுத்தாது. மேலும் முதலில் கூறியது போல இந்த இரண்டு வியூக்களுக்கிடையே மாறிக் கொள்வதும் எளிதுதான். இதனை எப்படி மேற்கொள்வது என்பதற்குக் கீழ்க்காணும் வழியைப் பின்பற்றவும். முதலில் Start அழுத்தி, Control Panel செல்லுங்கள். மேலாக இடது மூலையில் பார்க்கவும்.

இதில் "Switch to Category View" அல்லது "Switch to Classic View" என்பதனைப் பார்க்கலாம். இதில் கிளிக் செய்வதன் மூலம் அடுத்த வியூவிற்கு மாறிக் கொள்ளலாம். மாறிக் கொண்டு கண்ட்ரோல் பேனலில் மேற்கொள்ளும் அனைத்து செயல்பாடுகளையும் இதில் மேற்கொள்ளலாம்.

விஸ்டாவில் எக்ஸ்பி பதிப்பது எப்படி?

2009-05-23T19:47:00.000-07:00

லேப்டாப் மற்றும் டெஸ்க்டாப் கம்ப்யூட்டர் தயாரிக்கும் நிறுவனங்கள் பல தாங்கள் வழங்கும் கம்ப்யூட்டர்களில் விண்டோஸ் விஸ்டா தொகுப்பினைப் பதித்தே வழங்குகின்றன. விண்டோஸ் எக்ஸ்பி தொகுப்பில் பழக்கப்பட்டவர்கள், தங்களிடம் உள்ள தனிப்பட்ட சாப்ட்வேர் தொகுப்புகள் விஸ்டாவில் சரியாக வருவதில்லை என உணர்ந்த பலர் எக்ஸ்பி கேட்டால் அந்த நிறுவனங்கள் தற்போது விஸ்டா தான் பதிந்து தர முடியும். அதற்கான உரிமம் தான் தற்போது அமலில் உள்ளது என்று கூறி மறுத்துவிடுகிறார்கள்.

நாம் ஏற்கனவே விண்டோஸ் எக்ஸ்பி சிஸ்டத்தினை கட்டணம் செலுத்தி பழைய கம்ப்யூட்டருக்கென வாங்கி இருந்தாலும் அதனைப் புதிய கம்ப்யூட்டரில் பதிந்து செயல்படுத்த முடியவில்லை. மேலும் புதிய கம்ப்யூட்டருக்கான வாரண்டியின் பலன்களை அனுபவிக்க வேண்டும் என்றால் அதில் இருக்கும் விஸ்டாவினை நீக்கிவிட்டால் நாங்கள் பொறுப்பேற்க மாட்டோம் என்றும் கம்ப்யூட்டரை வழங்கிய நிறுவனங்கள் கூறி விடுகின்றன. இந்நிலையில் விஸ்டா இருக்கும் கம்ப்யூட்டர்களிலேயே எக்ஸ்பி ஆப்பரேட்டிங் சிஸ்டத்தினையும் பதிந்து செயல்படுவதற்கான வழிகளை இங்கு காண்போம்.

விஸ்டா ஆப்பரேட்டிங் சிஸ்டம் மீதே எக்ஸ்பி சிஸ்டத்தினையும் பதிய முயற்சித்தால் பின் விஸ்டா இயங்காமல் போய்விடும். அதன் bootloader மீது தான் புதிய இயக்கம் அமர்ந்துவிடுவதால் சிக்கல்கள் ஏற்படுகின்றன. மேலும் விஸ்டாவின் பூட் பைலை எக்ஸ்பி பூட் பைலை எடிட் செய்வது போல அவ்வளவு எளிதாக இயக்க முடிவதில்லை. எனவே ஒரே கம்ப்யூட்டரில் இரண்டு ஆப்பரேட்டிங் சிஸ்டங்கள் இயங்கும் வகையில் டூயல் பூட் என்ற அடிப்படையில் விஸ்டா இருக்கும்போதே எக்ஸ்பியையும் பதிக்க என்ன செய்யலாம் என்று யோசிக்கும்போதுதான் இதற்கு உதவிடும் புரோகிராம் ஒன்று இணையத்தில் இருப்பது தெரிய வந்தது. அந்த புரோகிராமின் பெயர் VistaBootPro. இந்த புரோகிராமினை www.vistabootpro.org என்ற முகவரியில் உள்ள வெப்சைட்டில் இருந்து இலவசமாக டவுண்லோட் செய்திடலாம்.

இந்த புரோகிராமினை டவுண்லோட் செய்து அதன் மூலம் எக்ஸ்பியை விஸ்டா இருக்கும் கம்ப்யூட்டரில் பதிந்திடும் முன் ஏற்கனவே உங்கள் முக்கிய பைல்களை பேக்கப் எடுத்து அவை சரியாகப் பதியப்பட்டிருக்கின்றனவா என்பதனைச் சோதித்து அறிந்த பின் பத்திரமாக அவற்றை வைத்திடுங்கள். பின் கீழே குறித்துள்ளபடி செயல்படவும்.

1. பார்ட்டிஷன் செய்த ஹார்ட் டிஸ்க்கை மீண்டும் பிரித்தல்:

My Computer ஐகானில் கிளிக் செய்து அதில் ‘Manage’ என்னும் பிரிவைத் தேர்ந்தெடுக்கவும். பின் கிடைக்கும் மெனுவில் ‘Disk Management’ என்பதில் கிளிக் செய்திடவும். இங்கு எந்த டிரைவில் எக்ஸ்பியை இன்ஸ்டால் செய்திட விருப்பமோ அதனைத் தேர்ந்தெடுக்கவும். பின் அதன் மீது ரைட் கிளிக் செய்திடவும். இதில் உள்ள காண்டெக்ஸ்ட் மெனுவில் ‘Shrink Volume’ என்பதைத் தேர்ந்தெடுக்கவும்.

2. விண்டோஸ் எக்ஸ்பிக்கு இடம் ஒதுக்குதல்:

அடுத்து தேர்ந்தெடுத்த டிரைவில் விண்டோஸ் எக்ஸ்பி சிஸ்டத்தினை நிறுவ இடம் ஒதுக்க வேண்டும். பொதுவாக 10 ஜிபி இடம் அதற்குப் போதும். உங்கள் டிரைவின் மொத்த இடத்தைப் பொறுத்து விஸ்டா இயக்கம் இதற்கென இடம் ஒதுக்கும். அது 10 ஜிபிக்கும் குறைவாக இருந்தால் நீங்களாக 10 ஜிபி இடம் தேர்ந்தெடுக்க வேண்டும்.

3. புது வால்யூம் உருவாக்குதல்:

டிஸ்க்கை (Shrunk) ஷ்ரங்க் அல்லது மறு பார்ட்டிஷன் செய்த பின்னர் எதற்கும் இடம் ஒதுக்காத ஏரியா ஒன்று டிஸ்க்கில் தென்படும். இது கிரே கலரில் ஷேட் அடித்துக் காட்டப்படும். இந்த ஏரியாவில் ரைட் கிளிக் செய்து கிடைக்கும் மெனுவில் New Simple Volume என்பதில் கிளிக் செய்திடவும். அதன்பின் கீழ்க்காணும் செயல்பாட்டினைச் சரியாக மேற்கொள்ளவும்.

4. புது வால்யூம் இடத்திற்கு பெயர் சூட்டலும் பார்மட் செய்தலும்:

இனி இந்த புதிய இடத்தினை பார்மட் செய்திட வேண்டும். இதில் NTFS பைல் சிஸ்டம் பயன்படுத்தி அதனை விண்டோஸ் எக்ஸ்பி எனப் புதுப் பெயர் கொடுக்கவும். Quick Format என்பதில் டிக் அடையாளம் ஏற்படுத்தி பின் Next என்பதில் கிளிக் செய்திடவும். அதன் பின் கம்ப்யூட்டரை விண்டோஸ் எக்ஸ்பி சிடி கொண்டு பூட் செய்து இந்த இடத்தில் விண்டோஸ் எக்ஸ்பி சிஸ்டத்தினை பதியவும்.

Dual Booting: (டூயல் பூட்டிங்)

1. விஸ்டாவின் BCD புரபைலை பேக் அப் செய்திட:

இனி டவுண்லோட் செய்த விஸ்டா பூட் புரோ புரோகிராமினை இன்ஸ்டால் செய்திடவும். பின் இதனை இயக்கத் தொடங்கியவுடன் Backup / Restore சென்டருக்கு நீங்கள் அழைத்துச் செல்லப்படுவீர்கள். அங்கு Browse என்பதில் கிளிக் செய்து உங்களுடைய விஸ்டா சிஸடத்தின் தற்போதைய BCD புரபைல் பைல்களை பேக் அப் செய்திடவும்.

2. பி.சி.டி. பைல்களைப் பார்த்தல்:

உங்களுடைய பி.சி.டி. ரெஜிஸ்ட்ரி உங்களுக்குக் காட்டப்படும். இதில் எதுவும் எடிட் செய்திட முடியாது.

3.விஸ்டா பூட் லோடரை ரீ – இன்ஸ்டால் செய்தல்:

அடுத்து System Boot loader ஆப்ஷனில் கிளிக் செய்திடவும். இங்கு System Boot loader Install Options (சிஸ்டம் பூட் லோடர் இன்ஸ்டால் ஆப்ஷன்ஸ்) என்ற பிரிவின் கீழ் உள்ள Windows Vista Bootloader என்னும் பகுதியைத் தேர்ந்தெடுக்கவும். இங்கு கிடைக்கும் மெனுவில் All Drives என்பதைத் தேர்ந்தெடுக்கவும். பின்னர் Install Bootloader (இன்ஸ்டால் பூட்லோடர்) என்பதில் கிளிக் செய்தால் விஸ்டா ஆக்டிவேட் ஆகும்.

4. பழைய விண்டோஸ் ஸ்கேன்:

Diagnostics என்ற பிரிவில் Run Diagnostics என்பதில் கிளிக் செய்தால் பழைய விண்டோஸ் சிஸ்டத்திற்கான பதிவுகளை சிஸ்டமே செய்துவிடும்.

5. இரண்டு சிஸ்டங்களை நிர்வகித்தல்:

Manage BCD OS Entries (மேனேஜ் பிசிடி ஓ.எஸ். என்ட்ரீஸ்) என்பதில் கிளிக் செய்திடவும். Rename OS entry என்பதில் செக் செய்து ஆப்பரேட்டிங் சிஸ்டத்திற்கு புதுப் பெயர் கொடுக்கவும். இறுதியாக Apply Updates அப்ளை அப்டேட்ஸ் என்பதில் கிளிக் செய்து ரீஸ்டார்ட் செய்திடவும்.

மேலே சொன்ன அனைத்தும் சரியாக மேற்கொள்ளப்பட்டால் Windows Boot Manager மெனு விஸ்டா மற்றும் எக்ஸ்பி ஆகிய இரண்டு சிஸ்டங்களிலும் பூட் செய்திட ஆப்ஷன்களைக் காட்டும்.

சில குறிப்புகள்:

உங்களுடைய முக்கியமான டாகுமெண்ட் பைல்களை (இமெயில், மியூசிக், வீடியோஸ் மற்றும் முக்கிய ஆவணங்கள்) ஆப்பரேட்டிங் சிஸ்டம் பதியப்பட்டுள்ள டிரைவில் பதியப்படுவதனைத் தவிர்க்கவும். இதன் மூலம் முக்கிய ஆப்பரேட்டிங் சிஸ்டம் பைல்கள் தற்செயலாக நம்மையும் அறியாமல் அழிக்கப்படும் சந்தர்ப்பங்களைத் தவிர்க்கலாம். விஸ்டா மூலம் டிரைவ் பார்ட்டிஷனை மீண்டும் புதுப்பிக்கும் பணியினை மேற்கொள்ளலாம். ஆனாலும் அதில் சில வரையறைகள் உள்ளன. இந்த வகையில் EASEUS Partition Manager என்னும் இலவச புரோகிராம் நமக்கு நம் தேவைக்கேற்றபடி உதவும் வகையில் உள்ளது. இதனை சர்ச் இஞ்சின் மூலம் தேடி டவுண்லோட் செய்து பதிந்து பயன்படுத்தலாம்.

நன்றி: கம்யூட்டர் மலர்

டேட்டா ஸ்டோரேஜ் புதிய கண்டுபிடிப்பு

2009-05-23T19:46:00.000-07:00

அமெரிக்காவில் இயங்கும் ஜெனரல் எலக்ட்ரிக் (GE) நிறுவனத்தின் கன்ஸ்யூமர் எலக்ட்ரானிக்ஸ் பிரிவு டேட்டா ஸ்டோரேஜ் தொழில் நுட்பத்தில் புதிய வழி ஒன்றைக் கண்டுபிடித்துள்ளது. இதன்படி நாம் கற்பனையில் எண்ண முடியாத அளவிலான டேட்டாவினை ஒரு சிடியில் பதிந்து எடுத்துச் செல்ல முடியும். இதனை holographic storage technology என இந்நிறுவனம் அழைக்கிறது.

இதன் மூலம் 100 டிவிடிக்களில் உள்ள டேட்டாவினை ஒரு டிஸ்க்கில் பதிய முடியும். இந்தக் கணக்கின் படி ஒரு டிஸ்க்கில் 470 ஜிபி அளவில் டேட்டாவினை எழுத முடியும். இது ஏறத்தாழ அரை டெரா பைட் ஆகும். இந்த ஆண்டிலேயே மக்களுக்குக் கிடைக்க இருக்கும் இந்த அரிய தொழில் நுட்பம் இன்னும் பல சோதனைகளுக்குட் படுத்தப்பட்டுக் கொண்டிருக்கிறது. அனைத்து சோதனைகளையும் தாண்டிய பின்னரே இதற்கு அங்கீகாரமும் அனுமதியும் வழங்கப்படும்.

ஹோலோகிராபிக் ஸ்டோரேஜ் என்னும் தொழில் நுட்பத்தின் அடிப்படையில் இது செயல்படுகிறது என ஜி.இ. நிறுவனம் அறிவித்துள்ளது. இந்த தொழில் நுட்பம் குறித்து மேலும் அறிய http://en.wikipedia.org/wiki/Holographic_memory என்ற முகவரியில் உள்ள இணைய தளம் செல்லவும்.

இந்த தொழில் நுட்பம் மூலம் ஒரு முறை எழுதிய இடத்திலேயே மேலும் மேலும் டேட்டாவினை எழுதும் வழிகளை இது அமைத்துத் தருகிறது. தற்போது உள்ள சிடி, டிவிடிக்களில் லேயர் லேயராகத்தான் டேட்டாக்கள் திணிக்கப்படுகின்றன. ஒன்றின் மேலாக ஒன்று எழுதப்படுவதில்லை. 1960 ஆம் ஆண்டிலேயே இந்த தொழில் நுட்பம் குறித்துப் பேசப்பட்டாலும் இப்போதுதான் மக்களுக்குப் பயன் தரும் வகையில் இது வெளிவருகிறது.

விண்டோஸ் எக்ஸ்பியில் எர்ரர் (Error) செய்திகள்

2009-05-23T19:43:00.000-07:00

விண்டோஸ் எக்ஸ்பி பயன்படுத்துபவர்கள் அனைவருமே ஏதாவது எர்ரர் செய்திகளை நாள்தோறும் சந்தித்திருப்பார்கள்.

விண்டோஸ் இயக்கத்தில் எங்கு பிரச்சினை உள்ளது என்று இந்த செய்திகள் நமக்குக் காட்டுகின்றன. சற்று விபரம் புரிந்தவர்கள் அதனைப் படித்து புரிந்து அதற்கேற்ற வகையில் ஏதேனும் செயல்பாடுகளை மேற்கொள்கிறார்கள். பலர் இங்கே எர்ரர் இருக்கின்றது தெரிந்து என்ன செய்ய? இது போல செய்திகள் வராமல் இருந்தாலே நல்லது என்று நினைக்கிறார்கள். அவர்களுக்கான தகவல் இது. இது போன்ற செய்திகள் வராமல் தடுக்க மேற்கொள்ள வேண் டிய செயல் பாடுகளைப் பார்க்கலாம்.

1. ஸ்டார்ட் மெனுவில் My Computer ஐகானில் ரைட் கிளிக் செய்திடவும்.

2.அடுத்து மெனுவில் System Properties விண்டோ திறப்பதற்காக Properties பிரிவில் கிளிக் செய்திடவும்.

3. கிடைக்கும் விண்டோவில் Advanced டேப்பில் கிளிக் செய்திடவும்.

4. இந்த அட்வான்ஸ்டு டேப்பில் கிடைக்கும் விண்டோவில் Error Reporting என ஒரு பட்டன் கிடைக்கும்.

5.இப்போது எர்ரர் ரிபோர்ட்டிங் விண்டோ கிடைக்கும். பின் இதில் Disable Error Reporting என்று இருப்பதனை செலக்ட் செய்திடவும். இதனைக் கிளிக் செய்தால் அனைத்து எர்ரர் செய்திகளும் காட்டப்படாமல் இருக்கும் என்று எதிர்பார்க்க வேண் டாம். ஒரு சில முக்கியமான பிரச்சினைகள் உள்ள எர்ரர் செய்திகள் காட்டப்படும். எதுவும் வேண்டாமப்பா! ஆளை விடுங்க!! என்று எண்ணுபவரா நீங்கள். அப்படி என்றால் But notify me when critical errors occur என்று இருக்கும் இடத்தில் டிக் அடையாளத்தை எடுத்துவிடுங்கள்.

6. இதன் பின் ஓகே கிளிக் செய்து வெளியேறுங்கள். இனி எர்ரர் செய்திகள் நீங்கள் செட் செய்தபடி மட்டுமே கிடைக்கும் அல்லது கிடைக்காமல் இருக்கும்.

யாஹூ மெசெஞ்சர் (Yahoo Messenger) - ஒரே நேரத்தில் பல கணக்குகளில்

2009-05-23T19:42:00.002-07:00

நாம் ஏற்கனவே கூகிள் டாக்கில் (Google Talk) ஒரே நேரத்தில் பல கணக்குகளில் இருந்து இயக்குவதை பற்றி பார்த்தோம். அந்த பதிவை படிக்காதவர்கள் இங்கே சென்று படித்துக்கொள்ளலாம்.

நம்மில் பலர் யாஹூவின் சேவையான யாஹூ மெசஞ்சரை பயன்படுத்துகிறோம். ஆனால் அதில் சில தேவைகளுக்காக பல கணக்குகள் (Account) வைத்திருப்போம் . அவற்றை எல்லாம் ஒரே நேரத்தில் மெசஞ்சரில் இல் லாக் இன் (Sign In) செய்ய முடியாது .

கீழே உள்ள வழிமுறைகளை செய்வதன் மூலம் நீங்கள் ஒரே நேரத்தில் பல கணக்குகளில் இருந்து இயங்க முடியும்.

முதலில் Yahoo messenger ஐ இங்கே தரவிறக்கம் செய்து உங்கள் கணனியில் நிறுவிக் கொள்ளுங்கள்.

1. முதலில் Start மெனுவுக்கு சென்று "Run" என்பதனை கிளிக் செய்யவும். அதில் regedit என்று டைப் செய்து OK செய்யவும்.

2.உங்கள் கணித்திரையில் Registry Editor விண்டோ தோன்றியிருக்கும். அதில் HKEY CURRENT USER க்கு பக்கத்தில் உள்ள "+" குறியை அழுத்துங்கள். அதன் வழியே Software->Yahoo->Pager->Test க்கு செல்லவும்.

3.இனி Registry Editor இல் உள்ள வலதுபக்க பெட்டியில் வெளியே வைத்து Right Click செய்யவும். நீங்கள் கிளிக் செய்தவுடனேயே "New" என்ற Option தோன்றும். அதில் DWORD Value என்பதனை கிளிக் செய்யுங்கள்.

4. நீங்கள் உருவாக்கிய "New Value #1" என்பதனை "Plural" என்று பெயர் மாற்றம் செய்து கொள்ளுங்கள் . ( கீழே படத்தை பார்க்கவும்)

5. நீங்கள் அதனை பெயர் மாற்றம் செய்த பின்பு அதனை "Double Click" செய்யுங்கள் . Value Data என்ற Column இல் "0" ஆக இருப்பதை "1" ஆக மாற்றிக் கொள்ளுங்கள். இனி OK செய்து வெளியேறுங்கள்.

இனி வேலை செய்கிறதா என்று பாருங்கள் , இல்லாவிட்டால் ஒருமுறை உங்கள் கணணியை ரீ-ஸ்டார்ட் செய்து பயன்படுத்துங்கள். மறக்காமல் ஒரு பின்னூட்டத்தையும் எழுதுங்கள்.

மைக்ரோசாப்ட் சில்வர் லைட்

2009-05-23T19:42:00.001-07:00

நீங்கள் இணையத்தில் அடிக்கடி பிரவுஸ் செய்து தகவல்களை டவுண்லோட் செய்திடும் பழக்கம் உள்ளவராக இருந்தால் அடோப் பிளாஷ், மேக்ரமீடியா பிளாஷ், அடோப் ஷாக்வேவ் மற்றும் மைக்ரோசாப்ட் சில்வர் லைட் குறித்த தகவல்களை அல்லது குறிப்புகளைத் தெரிந்திருப்பீர்கள். நீங்கள் சற்று திடுக்கிடுவது தெரிகிறது. முதலில் சொல்லப்பட்டிருப்பவை குறித்து படித்திருக்கிறோம்; அதென்ன சில்வர் லைட் என்று வியக்கிறீர்களா!

ஆம், இது அடிக்கடி கேள்விப்படாததுதான்; ஆனால் எளிதாகக் கிடைக்கக் கூடியதும் கூட. முதலில் இது என்ன சில்வர் லைட் என்று பார்ப்போம். அடிப்படையில் உங்களிடம் சில்வர் லைட் தொகுப்பு கம்ப்யூட்டரில் இல்லை என்றால் அதனை டவுண்லோட் செய்து பதித்திட வேண்டியதிருக்கும். பதியும் போது உங்கள் ஹார்ட் டிஸ்க்கின் இடத்தை அது எடுத்துக் கொள்ளும் தான். ஆனால் அதனால் பயன்களும் உண்டு. அடோப் பிளாஷ் மற்றும் ஷாக்வேவ் தொகுப்புகளுக்கு இணையான மைக்ரோசாப்ட் தொகுப்பாகும்.

முதலில் http://www.microsoft.com/silverlight என்ற முகவரியில் உள்ள இணைய தளத்திற்குச் செல்லுங்கள். தளத்தில் Install என்பதில் கிளிக் செய்திடுங்கள். அது தானாகப் பதிந்து முடித்தவுடன் கம்ப்யூட்டரை மீண்டும் ஸ்டார்ட் செய்திட வேண்டியதிருக்கும். மைக்ரோசாப்ட் சில வேளைகளில் இந்த தொகுப்பில் மட்டுமே இயங்கக் கூடிய சில பைல்களைத் தரும். அப்போது இந்த தொகுப்பின் பயன் கிடைக்கும். இல்லை என்றாலும் அடோபின் தொகுப்பிற்குப் பதிலாக இதனை இயக்கி பார்க்கலாம்.

வெப்சைட்டுகள் அப்டேட் ஆனவையா என அறிவது எப்படி???

2009-05-23T19:41:00.002-07:00

அடிக்கடி சில வெப்சைட்டுகளுக்குச் சென்று நாம் தகவல்களைப் பெறுவோம். சில வேளைகளில் நமக்குக் காட்டப்படும் இந்த தளங்கள் அப்டேட் செய்யப்பட்டவையா? அல்லது ஏற்கனவே பார்த்தவையா? என்று நம்மால் உறுதியாகக் கூற முடியாத வகையில் இருக்கும். ஏதோ ஒன்றை நீங்கள் மிஸ் பண்ணியது போன்ற நிலையில் நீங்கள் இருக்கலாம்.

இந்த நிலையில் உங்களுக்கு உதவுவதற்காகவே அப்டேட் செய்யப்பட்டதனை ஸ்கேன் செய்து அறியும் ஆட் ஆன் தொகுப்பு ஒன்று உள்ளது. இந்த ஆட் ஆன் தொகுப்பு பயர்பாக்ஸ் பிரவுசரில் மட்டுமே பயன்படும். இது குறித்து இங்கு காணலாம்.

1. முதலில் இந்த அப்டேட் ஸ்கேனர் என்னும் புரோகிராமினை இந்த முகவரியில் இருந்து டவுண்லோட் செய்திடவும். பின் இந்த ஆட் ஆன் தொகுப்பை இன்ஸ்டால் செய்து பயர்பாக்ஸ் தொகுப்பினை ரீஸ்டார்ட் செய்திடவும்.

2. இந்த அப்டேட் ஸ்கேனர் சில வெப்சைட்களில் மட்டும் அவை அப்டேட் செய்யப்பட்டனவா? என்று ஸ்கேன் செய்திடும்.

3. ஆர்.எஸ்.எஸ். பீட் வசதியினைத் தராத வெப்சைட்களுக்கு இந்த ஸ்கேனர் வசதி மிகவும் உதவியாக இருக்கும். ஆனால் அனைத்து வெப்சைட்களுக்கும் அல்லது நீங்கள் பயன்படுத்தும் வெப்சைட்கள் அனைத்தையும் இது ஸ்கேன் செய்து சொல்ல வேண்டும் எனத்தானே நாம் விரும்புவோம். அவ்வகையில் அவை எப்படி செயல்படுகின்றன என்று பார்ப்போம்.

4. அப்டேட் ஸ்கேனரை நீங்கள் விரும்பும் வெப்சைட்டில் பயன்படுத்த முதலில் அந்த வெப்சைட்டைத் திறக்கவும். அந்த தளத்தில் ரைட் கிளிக் செய்து கிடைக்கும் மெனுவில் Scan page for updates என்ற பிரிவில் கிளிக் செய்திடவும்.

5. கீழ்க்காணும் பாக்ஸ் உங்களுக்குக் கிடைக்கும்.

6.இனி வெப் சைட் எத்தனை கால அவகாசத்தில் ஸ்கேன் செய்யப் பட வேண்டும் என்பதனை நிர்ணயம் செய்து கொள்ளலாம். இந்த படத்தில் காட்டப்பட்டுள்ளது போன்ற ஸ்லைடிங் பாரில் இதனை செட் செய்திடலாம்.

7. இதனை 5 நிமிட கால அவகாசத்திலிருந்து நாளொன்றுக்கு ஒரு முறை என்பது வரை செட் செய்திடலாம்.

8. அடுத்து எந்த மாதிரி மாற்றங்கள் இருந்தால் உங்களுக்கு தெரிவிக்கப்பட வேண்டும் என்பதனை செட் செய்திடலாம். "All Web Page Changes Cause a Notification" என்பதிலிருந்து "Major Changes are Ignored (less than 1000 characters)." என்பது வரை இதனை செட் செய்திடலாம்.

9. எண்களில் மாற்றம் இருந்தால் அதனைப் பொருட்படுத்தாமல் இருக்கும்படியும் செட் செய்யலாம். இதில் இரண்டு நிலைகள் உள்ளன. "Medium Changes are Ignored" என்பதுவும் "Ignore Changes to Numbers" என்பதுவுமாக இரண்டு நிலைகள் தரப்பட்டுள்ளன.

10. இவ்வளவும் செட் செய்து முடித்தவுடன் ஓகே கிளிக் செய்திடவும்.

11. இனி உங்கள் திரையின் இடது ஓரத்தில் ஒரு சிறிய பேனல் ஒன்று இருக்கும். இதில் நீங்கள் எந்த எந்த வெப்சைட்டுகளை ஸ்கேன் செய்து அறிவிக்கப்பட வேண்டுமென்று விரும்புகிறீர்களோ அவற்றை எல்லாம் இதில் இணைக்கலாம்.

12. அடுத்து வெப்சைட்டுகளில் அப்டேட் மாற்றங்கள் உள்ளதா எனத் தெரிந்து கொள்ள பட்டனில் கிளிக் செய்தால் போதும்.

13. இடது பக்கத்தில் உள்ள பட்டனில் ஒரு புராக்ரஸ் பார் தோன்றும். மாற்றங்கள் இருப்பின் அது போல்ட் எழுத்துக்களில் காட்டப்படும். கடைசியாக மேற்கொள்ளப்பட்ட ஸ்கேன் செயல்பாட்டிற்குப் பின்னர் எத்தனை மாற்றங்கள் ஏற்பட்டுள்ளன என்று காட்டப்படும்.

இந்த மாற்றங்களைப் பார்க்க வேண்டுமென்றால் குறிப்பிட்ட தளம் சென்றால் மாற்றங் கள் மட்டும் ஹைலைட் செய்து காட்டப்பட்டும். இது நல்ல ஒரு கூடுதல் வசதி இல்லையா!

கணனியில் இணைய இணைப்பின் வேகத்தை அதிகரித்தல்

2009-05-23T19:41:00.001-07:00

இதை மேசைக்கணனி மற்றும் மடிக்கணனி ஆகிய இரண்டிலும் செய்ய முடியும் . விண்டோஸ் எஸ்பியின் சிஸ்டத்தில் சில மாற்றங்களை செய்வதன் மூலம் உங்கள் கணனியின் இணைய இணைப்பின் வேகத்தை அதிகரிக்க முடியும்.

இதில் எப்படி மாற்றங்கள் செய்வது என கீழே பார்ப்போம். இதை கணனியில் அட்மினிஸ்ரேர்ரர் கணக்கில் மட்டுமே செய்ய முடியும்.

1. முதலில் ஸ்டார்ட் மெனுவுக்கு சென்று Run ஐ கிளிக் செய்யவும். அதில் gpedit.msc என்று டைப் செய்து OK செய்யவும்.

2. இனி கீழே படத்தில் காட்டியவாறு ஒரு விண்டோ தோன்றியிருக்கும். அதில் இடதுபக்கத்தில் உள்ள administrative Templates -> Network -> QoS Packet Schedule க்கு செல்லவும்.

3. இனி Limit reservable bandwith என்பதை Double Click செய்யவும்.

4. கீழே காட்டப்பட்டவாறு ஒரு விண்டோ தோன்றியிருக்கும் , அதில் Enable என்பதை கிளிக் செய்யுங்கள். இனி Bandwith limit ஐ 40% ஆக அதிகரிக்கவும். பின் OK செய்து வெளியேறுங்கள்.

அவ்வளவுதான் இனி உங்கள் இணையத்தின் வேகம் அதிகரித்திருக்கிறதா எனப் பார்க்கவும்.

சிறந்த இலவச ஆண்டி வைரஸ் தொகுப்புகள்

2009-05-23T19:39:00.000-07:00

வைரஸ்களைத் தடுத்து நிறுத்தி அழித்திடும் தொகுப்புகள் இன்று கம்ப்யூட்டர் பயன்பாட்டில் கட்டாயத் தேவையாய் ஆகிவிட்டன. ஆப்பரேட்டிங் சிஸ்டமும் பிரவுசர் தொகுப்பும் எத்தனை பாதுகாப்பாய் அமைக்கப்பட்டாலும் வைரஸ்களும் ஸ்பைவேர்களும் நாளுக்கு நாள் பெருகி கம்ப்யூட்டர் பயன்பாட்டிற்கு சவாலாய் உள்ளன.

எனவே தான் ஆண்டி வைரஸ்கள் பயன்படுத்தப்படுவது மட்டுமல்ல அவை அப்டேட் செய்யப்பட வேண்டும் . சைமாண்டெக், மேக் அபி, இசெட் மற்றும் மைக்ரோசாப்ட் உட்பட பல நிறுவனங்கள் ஆண்டி வைரஸ் தொகுப்புகளை தயாரித்து வழங்குகின்றன. இவற்றில் சில அனைத்து வகை பாதுகாப்பையும் தருவதாக விளம்பரப்படுத்துகின்றன. ஆனால் தொடக்க கட்டணம் ரூ.4,000 லிருந்து ரூ. 7,000 வரை உள்ளன. இதனால் தான் பலரும் இலவச தொகுப்புகளை நாடுகின்றனர்.

இணையத்தில் பல தொகுப்புகள் இலவசமாகக் கிடைக்கின்றன. இதில் என்ன வேடிக்கை என்றால் இலவசமாக ஆண்டி வைரஸ் தொகுப்பு தருகிறேன் என்று சொல்லி பல தளங்கள் வைரஸ்களையும் கம்ப்யூட்டர் செயல்பாட்டை முடக்கும் புரோகிராம்களையும் அனுப்பி கெடுதல் விளைவிக்கின்றன. இருப்பினும் சில ஆண்டி வைரஸ் புரோகிராம்கள் முற்றிலும் இலவசமாகவே பாதுகாப்பினைத் தருகின்றன. அவற்றில் சில பற்றிய குறிப்புகள்...

ஆண்டிவைரஸ் 1

1. பெயர்: Avast! 4 Home EditIon

2. நிறுவனம் : ALWIL Software

3. பைல் அளவு: 26309 கேபி

4. கட்டணம் : இலவசம்

5. இயக்கத்தொகுப்பு : விண்டோஸ்

6.இணைய தள முகவரி : இங்கே கிளிக் செய்யவும்

இந்நிறுவனம் பல ஆண்டுகளாக இலவச ஆண்டி வைரஸ் தொகுப்புகளை வழங்கி வருகிறது. பல நிறுவனங்கள் இதன் தொகுப்புகளை மாடலாகக் கொண்டு இதே போல இலவச புரோகிராம்களை வழங்கி வருகின்றன. 4 ஹோம் எடிசன் என்பது அண்மைக் காலத்திய பதிப்பாகும். இதில் ஒரு இன்ஸ்டண்ட் மெசேஜ் ஸ்கேனர், இமெயில் ஸ்கேனர், வைரஸ்களிடமிருந்து பாதுகாக்கும் வளையம் மற்றும் அனைத்து பைல்களையும் ஸ்கேன் செய்திடும் ஸ்கேனர் தரப்பட்டுள்ளது.

இந்த தொகுப்பு அவ்வப்போது உருவாகி வரும் வைரஸ்களுக்கு எதிராகத் தன்னை வளப்படுத்தி எதிர்த்து தொடர்ந்து பாதுகாப்பு வழங்குகிறது. இதனுடைய ஸ்கேனிங் செய்திடும் வேகமும் கூடுதலாகவே உள்ளது. இந்த சாப்ட்வேர் தொகுப்பினை முதலில் ஓர் ஆண்டிற்கு இலவசமாகப் பதிந்து பெற்றுக் கொள்ளலாம். வெகு எளிதாகப் பதிந்து பெறும் வசதி தரப்பட்டுள்ளது.

ஆண்டிவைரஸ் 2

1. பெயர்: Avast! AVG Antivirus 8 Free Edition

2. நிறுவனம் : Grisoft Inc

3. பைல் அளவு: 47924 கே.பி

4. கட்டணம் : இலவசம்

5. இயக்கத்தொகுப்பு : விண்டோஸ்

6.இணைய தள முகவரி : இங்கே கிளிக் செய்யவும்

பல ஆண்டுகளாகக் கம்ப்யூட்டர் பயன்படுத்துபவர்களிடையே மிகவும் அதிகமாகப் பயன்படுத்தப்படும் இலவச ஆண்டி வைரஸ் சாப்ட்வேர் தொகுப்பு இது. ஒரு சில அலுவலகங்களில் பணம் கட்டி வேறு ஆண்டி வைரஸ் தொகுப்பு வாங்கினாலும் கம்ப்யூட்டரை இயக்குபவர்கள் தங்களுக்கு இதுதான் வேண்டும் என்று ஏ.வி.ஜி. ஆண்டி வைரஸ் தொகுப்பைப் பயன்படுத்தி வருகின்றனர்.

இந்த தொகுப்பைப் பயன்படுத்துகையில் ஓரளவிற்கே சிஸ்டம் தரும் மெமரியைப் பயன்படுத்துவதால் பிரச்னை எதுவும் இதன் இயக்கத்தால் ஏற்படுவதில்லை. பைல்களை ஸ்கேன் செய்வதில் இந்த தொகுப்பு காட்டும் வேகம் குறிப்பிடத்தக்கது. தொடர்ந்து இலவசமாகவே இதனைப் பயன்படுத்திக் கொள்ளலாம் என்பது இதன் சிறந்த அம்சம். அதைப் போல இதன் அப்டேட்டுகளும் என்றைக்கும் இலவசமே.

ஆண்டிவைரஸ் 3

1. பெயர்: Avira Anti Personal Edition

2. நிறுவனம் : Avira GmbH

3. பைல் அளவு: 24462 kb

4. கட்டணம் : இலவசம்

5. இயக்கத்தொகுப்பு : விண்டோஸ்

6.இணையதளமுகவரி: இங்கே கிளிக் செய்யவும்

இந்த தொகுப்பிற்கும் பல ரசிகர்கள் உள்ளனர். அவாஸ்ட் தொகுப்பு போல பல வகைகளில் இது வைரஸ் தொகுப்பிற்கு எதிரான பாதுகாப்பினை வழங்கி வருகிறது. பயன் படுத்துவோரை வழி நடத்த இந்த தொகுப்பு தரும் டயலாக் பாக்ஸ்கள் குறிப்பிடத் தக்கவையாகும். பைல்களை மிக வேகமாக ஸ்கேன் செய்கிறது. ஆனால் அடிக்கடி வரும் பாப் அப் விண்டோக்கள் சில சமயம் எரிச்சலைத் தருகின்றன.

முழுவதும் என்றும் இலவசமாய் இயங்கும் தொகுப்பு இது. இணையத்தில் இன்னும் பல சிறந்த ஆண்டி வைரஸ் தொகுப்புகள் உள்ளன. வரும் காலத்திலும் நிறைய கிடைக்கலாம். ஆனாலும் எச்சரிக்கையுடன் புதிய தொகுப்புகளை டவுண்லோட் செய்து பயன்படுத்த வேண்டும். எனவே தான் சோதிக்கப்பட்டு பலரால் பயன்படுத்தப்படும் பாதுகாப்பான மூன்று தொகுப்புகள் குறித்த விளக்கம் மேலே தரப்பட்டுள்ளது.

விண்டோஸ் விஸ்டா சிஸ்டம் : சில டிப்ஸ்

2009-05-23T19:38:00.001-07:00

விஸ்டா இயக்கம் வந்த போது ஊடுருவிப் பார்க்கும் வசதியான ஏரோ கிளாஸ் ட்ரான்ஸ்பரன்சி (Aero Glass Transparency) அதிகப் பாராட்டுதலைப் பெற்றது. ஆனால் பலர் பின் நாளில் இது எதுக்கு என்று எண்ணத் தொடங்கினார் கள். மேலும் கம்ப்யூட்டர் ப்ராசசரின் சக்தியை அதிக அளவில் எடுத்துக் கொண்டதனால் இந்த வசதி இருக்கையில் கம்ப்யூட்டர் செயல்படும் வேகம் சிறிது குறைந்தது. இதனை நீக்கினால் நல்லது என எண்ணுபவர்களுக்கு இதோ ஒரு வழி காட்டுதல். டெஸ்க்டாப்பில் ரைட் கிளிக் செய்திடவும். அதில் வரும் மெனுவில் Personalise என்பதைத் தேர்ந்தெடுக்கவும்.

பின் இது சார்ந்த டயலாக் பாக்ஸ் கிடைக்கும். இதில் ‘Windows Color and Appearance’ என இருக்கும் இடத்தைக் காணவும். இது மேலாக இருக்கும். இந்த லிங்க்கைக் கிளிக் செய்து கிடைக்கும் விண்டோவில் ‘Enable Transparency’ என்று இருப்பதில் உள்ள டிக் அடையாளத்தை எடுத்துவிடவும். பின் ஓகே கிளிக் செய்தால் விஸ்டாவில் ஏரோ கிளாஸ் ட்ரான்ஸ்பரன்சி எபக்ட் இருக்காது.

ஹார்ட் டிஸ்க் பிரித்தல்

விஸ்டா இயக்கம் ஹார்ட் டிஸ்க்கை இரண்டு அல்லது கூடுதலான பிரிவில் அமைக்க உதவிடுகிறது. இதனால் விஸ்டா ஒவ்வொரு பிரிவினையும் தனித்தனி ஹார்ட் டிஸ்க்காகக் கருதிச் செயல்படும். இதன் மூலம் டாகுமெண்ட்களையும், புரோகிராம்களையும் மற்றும் சில பைல்களையும் நம்மால் பிரித்து வைத்து சேவ் செய்து பயன்படுத்த முடியும். ஹார்ட் டிஸ்க்கில் புதிய பிரிவு ஒன்று உருவாக்க வேண்டும் என்றால் Start கிளிக் செய்து My computer என்பதில் ரைட் கிளிக் செய்திடவும். கிடைக் கும் விண்டோவில் Manage என்ற ஆப்ஷனைத் தேர்ந்தெடுக்கவும்.

இடது பக்கம் உள்ள பிரிவில் (Left Pane) எந்த டிஸ்க்கில் புதிய பிரிவு ஏற்படுத்த வேண்டும் என எண்ணுகிறீர்களோ அந்த பிரிவினைத் தேர்ந்தெடுக்கவும். பின் Shrink Volume என்பதனைத் தேர்ந்தெடுக்கவும். அடுத்து சிறிய அளவில் பிரிவினை ஏற்படுத்தும் வகையில் அளவினை உருவாக்கவும். பின் Shrink என்ற பிரிவில் கிளிக் செய்திடவும். இனி டிரைவ் ஸ்பேஸில் Unallocated என்று இருப்பதில் ரைட் கிளிக் செய்திடவும். கிடைக்கும் மெனுவில் New Simple Volume என்பதில் கிளிக் செய்திடவும். அதன் பின் கிடைக்கும் விஸார்டில் கேட்கும் கேள்விகளுக்கான உங்கள் ஆப்ஷன்களை அமைக்கவும்.

முடிவில் தேர்ந்தெடுத்த டிரைவில் பயன்படுத்தாத இடத்தைப் பிரித்து நீங்கள் குறிப் பிட்ட அளவில் புதிய டிஸ்க் பிரிவு ஒன்று கிடைக்கும்.

அழிந்த ரீசைக்கிள் பின்னை மீட்க

விஸ்டாவில் ரீ சைக்கிள் பின் ஐகானில் ரைட் கிளிக் செய்தால் கிடைக்கும் மெனுவில் அதனை அழித்துவிட Delete என்று ஒரு ஆப்ஷன் கிடைக்கும். சிலர் இதனை அறியாமல் கிளிக் செய்து அழித்துவிடுகிறார்கள். எப்படி அழிப் பது எளிதாக உள்ளதோ அதே போல் இதனை மீண்டும் பெறுவது விஸ்டாவில் எளிதான ஒரு செயல்பாடாக உள்ளது. அழித் ததை மீண்டும் பெற டெஸ்க்டாப்பில் ரைட் கிளிக் செய்திடவும். மெனுவில் Personalise என்பதைத் தேர்ந்தெடுக்கவும்.

பின் கிடைக்கும் விண்டோவில் இடது பக்கம் Change Desktop Icons என்பதில் கிளிக் செய்து தேர்ந்தெடுக்கவும். அதில் Recycle Bin என்னும் ஆப்ஷனில் கிளிக் செய்தால் மீண்டும் ரீசைக்கிள் பின் ஐகான் திரையில் தோன்றும்.

விஸ்டாவில் ரன்

விண்டோஸ் எக்ஸ்பி ஸ்டார்ட் பட்டனை இயக்கினால் கிடைக்கும் மெனுவில் கீதண என்று ஒரு பிரிவு இருக்கும். இதனை இயக்கினால் புரோகிராம்களின் பெயரை நேரடியாக டைப் செய்து இயக்கலாம். ஆனால் விஸ்டாவில் இந்த செயல்பாட்டிற்கான கீதண கட்டம் இல்லை. இருப்பினும் இதனை உருவாக்கி வைத்துக் கொள்ளலாம். Start பட்டனில் ரைட் கிளிக் செய்திடவும். கிடைக்கும் மெனுவில் Properties என்பதைக் கிளிக் செய்திடவும். பின் ஸ்டார்ட் மெனு செல்லவும். இங்கு ஸ்குரோல் செய்து கீழே சென்றால் Run Command என்று ஒரு பாக்ஸ் கிடைக்கும். இதில் ஓகே கிளிக் செய்தால் ரன் பாக்ஸ் உங்களுக்கு ஸ்டார்ட் பட்டன் மெனுவில் கிடைக்கும்.

பைல்களை எளிமையாகத் தேர்ந்தெடுக்க

பைல் டைரக்டரியில் இருந்து பைல்களைத் தேர்ந்தெடுக்க பல வழிகள் உள்ளன. தொடர்ந்து இருக்கும் பைல்களைத் தேர்ந்தெடுக்க முதல் பைலைத் தேர்ந்தெடுத்துவிட்டு பின் இறுதி பைலை ஷிப்ட் கீ அழுத்தித் தேர்ந்தெடுத்தால் இரண்டிற்கும் இடையே உள்ள பைல்கள் அனைத்தும் தேர்ந்தெடுக்கப்படும்.

பைல்களை விட்டு விட்டு குறிப்பிட்டவற்றை மட்டும் தேர்ந்தெடுக்க வேண்டும் எனில் கண்ட்ரோல் கீயினை அழுத்தியவாறு பைல்களைத் தேர்ந்தெடுத்தால் தேர்ந்தெடுக்கும் பைல்கள் வரிசையாக இல்லாதபோதும் மொத்தமாகத் தேர்ந்தெடுக்கப்படும்.

பின் இவற்றை என்ன செய்திட வேண்டுமோ செய்து கொள்ளலாம்.இது போல ஷிப்ட் மற்றும் கண்ட்ரோல் கீகளை அழுத்தி பைல்களைத் தேர்ந்தெடுக்காமல் அந்த பைல்களுக்குப் பக்கத்தில் சிறிய கட்டங்களை ஏற்படுத்தி அந்த கட்டங்களில் டிக் அடையாளம் ஏற்படுத்தி பைல்களை செலக்ட் செய்யக் கூடிய வசதி கிடைத்தால் சிறப்பாக இருக்கும் அல்லவா?

இதற்கான வசதியை விஸ்டா கொண்டுள்ளது. ஏதேனும் ஒரு போல்டரைக் கிளிக் செய்து Organize என்பதில் கிளிக் செய்திடவும். பின் அதில் Folder and search Options’ என்பதைத் தேர்ந்தெடுக்கவும். இங்கு View டேப்பிற்குச் செல்லவும். அங்கு ‘Use check boxes to select item’ என்பதில் டிக் ஏற்படுத்தி ஓகே கிளிக் செய்திடவும். பின் போல்டரைத் திறந்தால் பைல்களின் பெயருக்கு எதிரே சிறிய கட்டங் கள் கிடைக்கும். இதில் கிளிக் செய்து பைல்களைத் தேர்ந்தெடுக்கலாம்.

சென்ட் டூ மெனுவை நீட்டலாம்

Send To மெனுவில் கூடுதலாக பைல்களை பதிப்பதில், விஸ்டா இயக்கம் எக்ஸ்பி இயக்கத்தில் இருந்து சற்று மாறுபட்டுள்ளது. விஸ்டாவில் Control Panel ஐத் திறக்கவும். அதன்பின் Folder Options பிரிவைத்தேர்ந்தெடுக்கவும். கிடைக்கும் விண்டோவில் View டேப்பினைத் திறக்கவும். இங்கு தரப்படும் ஆப்ஷன்களில் Show hidden Files and Folders என்பதைத் தேர்ந்தெடுத்து ஓகே கிளிக் செய்திடவும். இனி ஸ்டார்ட் – கம்ப்யூட்டர் எனக் கிளிக் செய்து சி டிரைவினைத் திறக்கவும். இதில் யூசர்ஸ் என்னும் போல்டரைத் திறக்கவும்.

இதில் உங்களுடைய பெயரை யூசர் நேமாக உள்ளதைத் தேர்தெடுக்கவும். அடுத்து App Data, Roaming, Microsoft Windows, Send To என வரிசையாகச் செல்லவும். போல்டரைக் காண முடியாவிட்டால் %AppData%\ Microsoft Windows\Send To என அட்ரஸ் பாரில் டைப் செய்திடவும். அடுத்து என்டர் செய்த பின் Send To மெனுவில் நீங்கள் உங்களுக்குத் தேவையானதை இணைக்கலாம்.

குயிக் லாஞ்ச் கீ போர்ட் ஷார்ட் கட்

அடிக்கடி பயன்படுத்தும் புரோகிராம்களை உடனுக்குடன் விரைவாக இயக்க நமக்கு Quick Launch பார் பயன்படுகிறது. இந்த பாரில் உள்ள புரோகிராம்களை ஷார்ட் கட் கீகளைக் கொண்டும் இயக்கலாம். இதற்கு விண் டோஸ் கீ அழுத்தவும்.

அதன் பின் குயிக் லாஞ்ச் பாரில் உள்ள ஐகான் எத்தனாவதாக உள்ளதோ அந்த எண்ணை அழுத்தவும். எடுத்துக் காட்டாக குயிக் லாஞ்ச் பாரில் இன்டர்நெட் எக்ஸ்புளோரர் மூன்றாவதாக அமைக்கப்பட்டிருந் தால் விண்டோஸ் கீயுடன் 3 என்ற எண்ணை அழுத்தினால் இன்டர்நெட் எக்ஸ்புளோரர் இயக்கப்படும். இரண்டு கீகளையும் சேர்த்து இயக்க வேண்டும்.

நிரந்தரமாக மெனு பார்

விஸ்டாவில் போல்டர்களைக் காண்கையில் மெனு பார் மறைக்கப்படும். அப்போதைக்கு இந்த மெனு தேவை எனில் அடூt கீயை அழுத்த கிடைக்கும். பின் மீண்டும் மறையும். இதற்குப் பதிலாக எப்போதும் மெனு கிடைக்கும்படியும் இதனை அமைக்கலாம்.

போல்டர் ஒன்றைத் தேர்ந்தெடுத்துப் பின் Organize பட்டனை அழுத்தவும். இதில் ‘Folder and search options’ என்பதனைத் தேர்ந்தெடுக்கவும். பின் வியூ டேப்பிற்குச் செல்லவும். அங்கு ‘Always show menus’ என்று இருக்கும் இடத்தில் உள்ள பாக்ஸில் டிக் அடையாளத்தை ஏற்படுத்தவும். பின் ஓகே கிளிக் செய்து வெளியேறவும்.

விண்டோஸ் பார்டர்களைக் குறைக்க: விஸ்டாவின் ஏரோ கிராபிக்ஸ் புரோகிராம்களுக்கும் போல்டர்களுக்கும் நல்ல திட்டையான பார்டர்களைத் தருகிறது. இமேஜ் எடிட்டிங் சாப்ட்வேர் போன்ற புரோகிராம்களைக் கையாள்கையில் இந்த பார்டர்கள் அதிகம் இடத்தை எடுத்துக் கொள்கின்றன. இடம் எடுத்துக் கொள்வது மட்டுமின்றி நாம் பணியாற்ற இடம் தராமல் எரிச்சலூட்டுகின்றன. இந்த பார்டர்களின் அளவைக் குறைக்க முடியாதா என்ற ஆசை நமக்கு எழும். இதற்கு வழிகளைத் தருகிறது விஸ்டா. இந்த பார்டர்களை அளவோடு வைத்திட டெஸ்க்டாப்பில் கிளிக் செய்திடவும்.

பின் பெர்சனலைஸ் என் பதைத் தேர்ந்தெடுக்கவும். கிடைக்கும் விண் டோவில் Windows Color and Appearance என்ற இடத்தில் கிளிக் செய்திடவும். இப்போது செட் செய்வதற்கான டயலாக் பாக்ஸ் கிடைக்க வேண்டும். இது கிடைக்காவிட்டால் ‘Open classic appearance properties for more color options’ என்பதில் கிளிக் செய்திடவும். அதில் Advanced என்ற பட்டனில் கிளிக் செய்திடுக. பின் கிடைக்கும் மெனுவில் Border Padding என்பதைத் தேர்ந்தெடுக்கவும். இங்கு சைஸ் செட்டிங் அளவை 4 க்கும் குறைவாக அமைக்கவும். அதன்பின் ஓகே இருமுறை கிளிக் செய்து வெளியேறவும். இனி எத்தனை விண்டோக்கள் திறந்தாலும் பார்டர்கள் எடுக்கும் இடம் குறைவாகவே இருக்கும்.

விண்டோஸின் பிழைச்செய்திகளும் தீர்வுகளும்

2009-05-23T19:37:00.000-07:00

விண்டோஸ் ஆப்பரேட்டிங் சிஸ்டம் முற்றிலும் முழுமையான பாதுகாப்பான சிஸ்டம் இல்லை என்பது கம்ப்யூட்டர் பயன்படுத்தும் அனைவருக்கும் தெரியும். பல வேளைகளில் தேவையற்ற தொல்லைகளை விண்டோஸ் அளித்திடும். சில வேளைகளில் அவை சிறுவர்களின் சில்மிஷங்கள் போல் தோற்றமளித்திடும். இருந்தும் வேறு வழியின்றி அவற்றைப் பொறுத்துக் கொள்வோம். எடுத்துக் காட்டாக நாம் மறதியாய் ஒரு பிளாப்பி டிஸ்க்கை அதன் டிரைவில் விட்டிருப்போம்.

அடுத்த முறை விண்டோஸை இயக்கும்போது NonSystem Disk or disk error என்று ஒரு செய்தி வரும். உடனே "கம்ப்யூட்டருக்குத்தான் தெரிகிறதே பிளாப்பி டிரைவில் ஒரு டிஸ்க் உள்ளது; அதனை விட்டுவிட்டு விண்டோஸை இயக்கலாமே' என்று எண்ணுவோம். இது என்ன சிறுபிள்ளைத்தனமாக இருக்கிறதே என்று நினைப்போம்.

இருந்தாலும் இது ஒரு தொல்லை தானே. இப்படி விண்டோஸ் கொடுக்கும் தொல்லைகள் சிலவற்றையும் அவை எதனால் ஏற்படுகிறது என்பதனையும் அவற்றை எப்படி சமாளிக்கலாம் என்பதனையும் இங்கு காணலாம்.

1. நகராத மவுஸ் கர்சர்

திடீரென கம்ப்யூட்டர் இயக்கம் உறைந்து போகும். மவுஸ் கர்சர் நகராது. என்ன செய்தாலும் ஒன்றும் இயங்காது. கண்ட்ரோல் + ஆல்ட்+ டெலீட் அழுத்தினாலும் ஒன்றும் இயங்காது. வேறு வழியின்றி ரீ பூட் பட்டனை அழுத்தி மீண்டும் இயங்க வைப்போம். இதற்கு என்ன காரணம்? பெரும்பாலும் நீங்கள் புதியதாக கம்ப்யூட்டரில் இன்ஸ்டால் செய்த புரோகிராமாக இருக்கும். எனவே மீண்டும் கம்ப்யூட்டரை ரீ பூட் செய்தவுடன் கடைசியாக இன்ஸ்டால் செய்த புரோகிராமினை அன் இன்ஸ்டால் மூலம் நீக்கவும். மீண்டும் அதே உறையும் பிரச்னை வரவில்லை என்றால் இந்த புரோகிராம் காரணமாக இருக்கலாம். இன்னொன்றையும் நீங்கள் கவனிக்க வேண்டும். நீங்கள் வயர்லெஸ் மவுஸ் பயன்படுத்துபவராக இருந்தால் உங்கள் மவுஸின் பேட்டரி உயிருடன் இருக்கிறதா என்று பார்க்கவும்.பேட்டரியை மாற்றிப் பார்க்கவும். ஒரு வேளை மவுஸ் கர்சர் நகரலாம்.

2. திடீரென ரீஸ்டார்ட்

பயன்படுத்திக் கொண்டிருக்கும்போதே திடீரென கம்ப்யூட்டர் தானே ரீஸ்டார்ட் ஆகும். கம்ப்யூட்டர் திரை கருப்பாக தோன்றி விண்டோஸை எவ்வாறு ஸ்டார்ட் செய்திட என்ற கேள்வியுடன் நான்கு ஆப்ஷன்ஸ் தரப்படும். அங்குStart Windows Normally என்ற பிரிவைக் கிளிக் செய்திடவும். கம்ப்யூட்டர் வழக்கம்போல இயங்கத் தொடங்குகிறதா என்று பார்க்கவும். தொடங்கவில்லை என்றால் Last Known good configuration என்ற பிரிவில் கிளிக் செய்திடவும். இதுவும் சரியாகவில்லை என்றால் Safe Mode ல் தொடங்கவும். இது நிச்சயம் செயல்படத் தொடங்கும். இதனைப் பயன்படுத்தி முன்பு சொன்னது போல இறுதியாக இன்ஸ்டால் செய்த புரோகிராமினை அன் இன்ஸ்டால் செய்திடவும்.

3. NonSystem Disk or disk error

தொடக்கத்தில் சொன்ன NonSystem Disk or disk error என்ற பிரச்னை ஏற்படுகையில் டிரைவில் உள்ள டிஸ்க்கினை நீக்கினாலும் சில வேளைகளில் பிரச்னைக்குத் தீர்வு கிடைக்காது. அப்படி என்றால் பிரச்னை மிகவும் சிக்கலானது தான். கம்ப்யூட்டரின் சிபியு கேபினைக் கழற்றி ஏதேனும் கேபிள் வயர் சரியாக இணைக்கப்படாமல் இருக்கிறதா என்று பார்க்கவும். குறிப்பாக ஹார்ட் டிஸ்க்கிற்குச் செல்லும் கேபிள் சரியாக இருக்கிறதா எனப் பார்க்கவும். அதனைச் சரி செய்தும் பிரச்னை தீரவில்லை என்றால் ஒரு ஹார்ட் வேர் டெக்னீஷியனை அழைத்துப் பார்க்கவும்.

4. One of your disks needs to be checked for consistency

கம்ப்யூட்டரை இயக்கத் தொடங்கும்போது இந்த செய்தி திரை முழுவதும் ஊதா வண்ணத்தில் வெள்ளை எழுத்துக்களில் தோன்றும். இந்த செய்தி வந்தால் அதற்கு முன் கம்ப்யூட்டரை இயக்கிய போது முறையாக அதன் இயக்கத்தினை நிறுத்தவில்லை என்று பொருள். அல்லது புரோகிராம் கிராஷ் ஏற்பட்டிருக்கலாம். அல்லது பவர் கட் ஆகி யு.பி.எஸ். கை கொடுக்காமல் கம்ப்யூட்டர் ஆப் ஆகி இருக்கலாம். இது போன்ற செய்திவந்து உங்கள் டிஸ்க்கைச் சோதிக்கும் பணி தொடங்கினால் அதனை நிறுத்த வேண்டாம். ஒரு சில நிமிடங்களில் இந்த சோதனை முடிந்து கம்ப்யூட்டர் இயங்கத் தொடங்கும். இது உங்கள் ஹார்ட் டிஸ்க் சரியாக உள்ளதா என்ற சோதனை என்பதால் உங்கள் கம்ப்யூட்டருக்கும் நல்லதுதான்.

ஆனால் ஒவ்வொரு முறை கம்ப்யூட்டரை இயக்கத் தொடங்கும் போதும் இந்த செய்தி வந்தால் உங்கள் பெர்சனல் கம்ப்யூட்டரை நீங்கள் ஷட் டவுண் செய்திட நடவடிக்கைகள் எடுக்கையில் பின்புலத்தில் ஏதோ ஒரு புரோகிராம் இயங்கிக் கொண்டிருக்கிறது என்று பொருள். எனவே ஷட் டவுண்ட் செய்வதற்கு முன்னால் கண்ட்ரோல் + ஆல்ட்+டெலீட் போட்டு எந்த எந்த புரோகிராம்கள் நீங்கள் அறியாமல் இயங்கிக் கொண்டிருக்கின்றன என்று பார்த்து அவற்றை நிறுத்தவும். அவை மீண்டும் தாமாக இயங்குவதனை நிறுத்தவும்.

5. Blue Screen of Death

ஆம், இப்படி ஒரு திரை நம் கம்ப்யூட்டரில் சில வேளைகளில் ஏற்படும். A fatal exception 0E has occurred என்று தொடங்கி அப்போது இயங்கிய அப்ளிகேஷன் புரோகிராமினை உடனே முடக்கிவிடு என்று கேட்கும். கண்ட்ரோல் + ஆல்ட்+டெலீட் கொடுத்து கம்ப்யூட்டரை ரீ ஸ்டார்ட் செய்திடச் சொல்லும். "நீங்கள் சேவ் செய்யாத தகவல் எல்லாம் அவ்வளவுதான் அம்போ' என்று ஒரு மிரட்டும் செய்தியும் வரும். என்ன செய்வது? வேறு வழியே இல்லை. போனால் போகட்டும் போடா ! என்று மீண்டும் ரீஸ்டார்ட் செய்திட வேண்டியதுதான். இந்த டெத் ஸ்கிரீன் அடிக்கடி வந்ததென்றால் ரெஸ்டோர் பயன்படுத்தி முந்தைய ரெஸ்டோர் பாய்ண்ட்டுக்குச் செல்ல வேண்டியதுதான். இதனைப் பெற Start, Accessories, System Tools, System Restore என வரிசையாகச் சென்று பெறலாம்.

6. End Program

சின்ன விண்டோ ஒன்றில் This program ‘Program has encountered a problem’ is not responding போன்ற பிழைச் செய்தி கிடைக்கும். புரோகிராமில் எந்த பிரச்னையும் இல்லை என உறுதியாகத் தெரிந்தால் தொடர்ந்து அதனை இயக்கப் பார்க்கவும். ஆனால் ஏற்கனவே கம்ப்யூட்டர் முடங்கிப் போயிருந்தால் வேறு வழியின்றி புரோகிராமை மூடி வெளியேறி பின் மீண்டும் வரவும்.

7.‘Program has encountered a problem and needs to close’

அடிக்கடி கிராஷ் ஆகும் புரோகிராம்கள் இது போன்ற செய்தியைக் கொடுக்கும். இதை நீங்கள் ஒன்றும் செய்திட முடியாது. ஏனென்றால் ஏற்கனவே புரோகிராம் கிராஷ் ஆகிவிட்டது. இதில் Send Error Report என்ற பிரிவில் கிளிக் செய்து இன்டர்நெட் இணைப்பில் மைக்ரோசாப்ட் நிறுவனத்திற்கு பிழைச் செய்தி குறித்து தகவல் அனுப்பலாம். ஆனால் ஒரு சில சமயங்களில் மைக்ரோசாப்ட் நிறுவனத்தின் தளத்திலிருந்து இந்த பிழை புராசசர் சிப்பினால் ஏற்பட்டது. இதற்கு இன்னும் நிவாரணம் இல்லை என்ற பதிலும் வரலாம்.

8. மெதுவாக இயங்குதல்

கம்ப்யூட்டர் வாங்கிய தொடக்கத்தில் மிக வேகமாக இயங்கிய கம்ப்யூட்டர் சில மாதங்களிலேயே மெதுவாக இயக்கத்திற்கு வரும். சி.பி.யு. பட்டனை அழுத்திய பின் விண்டோஸ் டெஸ்க்டாப் வர அதிக நேரம் பிடிக்கலாம். இதற்குக் காரணம் ஸ்டார்ட் அப் மெனுவில் நிறைய புரோகிராம்களை அமைத்திருப்பதுதான். இதனை எளிதாக சரி செய்துவிடலாம். இதற்கு ஸ்டார்ட் கிளிக் செய்து பின் ரன் விண்டோவில்msconfig என டைப் செய்திடவும். கிடைக்கும் விண்டோவில் Starup டேப்பினைத் தேர்ந்தெடுத்து வரும் விண்டோவைப் பார்க்கவும். அதில் உள்ள புரோகிராம் பட்டியலைப் பார்க்கவும். உங்கள் கம்ப்யூட்டர் அத்தனை புரோகிராம்களையும் தொடங்கி பின்னணியில் இயங்கிய பின்னரே உங்களுக்கு டெஸ்க் டாப்பைக் காட்டுகிறது. எனவே எந்த எந்த புரோகிராம் உங்களுக்குத் தேவையில்லையோ அவற்றை ஸ்டார்ட் அப் பட்டியலில் இருந்து நீக்கிவிடவும். இதற்கு அந்த புரோகிராமின் முன் உள்ள சிறிய கட்டத்தில் இருந்த டிக் அடையாளத்தை எடுத்துவிட்டால் போதும்.

9. Access Denied

இந்த பிழைச் செய்தி ஒரு குறிப்பிட்ட பைலை நோக்கி காட்டப்படும். ஒரு பைலில் திருத்தங்கள் செய்திட முயன்று அவற்றை சேவ் செய்திட முயற்சிக்கையில் இந்த பிழைச் செய்தி கிடைக்கும். பைல் அது போல மாற்றங்களை மேற்கொள்ளவிடாமல் வடிவமைக்கப்பட்டிருக்கும். இதனை எளிதாக ஏமாற்றலாம். குச்திஞு அண் கட்டளை கொடுத்து வேறு பெயரில் சேவ் செய்திடலாம்.

10. Missing Shortcut

சில புரோகிராம்களை கம்ப்யூட்டரிலிருந்து நீக்கும்போது டெஸ்க்டாப்பிலிருக்கும் ஷார்ட்கட் ஐகானும் நீக்கப்பட வேண்டும். சில வேளைகளில் அந்த ஷார்ட் கட் ஐகான் காட்டும் புரோகிராமினை வேறுடிரைவிற்கு மாற்றி இருப்போம். அப்போது இந்த பிழைச் செய்தி காட்டப்பட்டு Windows is searching for [File Name] To locate the file yourself click Browse என்ற செய்தி கிடைக்கும். புரோகிராம் நீக்கப்பட்டுவிட்டது என்று தெரிந்தால் இந்த ஷார்ட் கட் ஐகானையும் நீக்கிவிடுங்கள்.

11. "Can’t Boot from Windows CD”

விண்டோஸ் தொகுப்பினை ரிப்பேர், ரீ இன்ஸ்டால் அல்லது அப்கிரேட் செய்ய வேண்டியதிருந்தால் கம்ப்யூட்டரை விண்டோஸ் சிஸ்டம் சிடியிலிருது பூட் செய்ய வேண்டியதிருக்கும். ஆனால் அப்படி பூட் செய்திட முயற்சிக்கையில் இந்த செய்தி வரும். ஏன்? சிடியிலிருந்து பூட் செய்திட வகுத்திடும் வழி அடைக்கப்பட்டிருக்கும். இதனை எப்படி திறப்பது? விண்டோஸ் இயங்கத் தொடங்குகையில் Delete பட்டனை அழுத்தவும். BIOS ஸ்கிரீன் தோன்றும். அப்படித் தோன்றவில்லை என்றால் டெலீட் கீக்குப் பதிலாக F2 கீயை அழுத்தவும்.

கர்சர் கீ மூலம் பூட் செக்ஷன் சென்று என்டர் அழுத்தவும். உடன் கம்ப்யூட்டர் பூட் செய்ய எந்த வரிசையில் செயல்பட வேண்டும் என்ற வரிசை கிடைக்கும். நீங்கள் முதலில் சிடி, பின் ஹார்ட் டிஸ்க் வழியாக என்றால் அதற்கேற்ப வரிசையினை மாற்றி அமைக்கவும். வேறு எதனையும் மாற்ற வேண்டாம். இந்த மாற்றத்தை சேவ் செய்து வெளியேறி விண்டோஸ் சிடியை டிரைவில் போட்டு பின் பூட் செய்தால் கம்ப்யூட்டர் சிடி டிரைவில் உள்ள விண்டோஸ் சிடி வழியாக பூட் ஆகும்.

12. டாஸ்க் பார் பட்டனில் புரோகிராம்கள் அடுக்கு

சில வேளைகளில் ஒரே புரோகிராம்களில் பல திறக்கப்படுகையில் அவைடாஸ்க் பாரில் ஒரு பட்டனில் அடுக்கப்படும். எடுத்துக் காட்டாக வேர்ட் தொகுப்பில் பல டாகுமெண்ட்டுகள் திறக்கப்பட்டால் அவை வேர்ட் என்ற பட்டனிலேயே அடுக்கப்படும். எத்தனை புரோகிராம்கள் உள்ளன என்று எண் காட்டப்படும். இவற்றில் ஏதேனும் ஒன்றைத் திறந்து பயன்படுத்த எண்ணினால் பட்டனைக் கிளிக் செய்து பின் கிடைக்கும் அடுக்கில் நாம் விரும்பும் புரோகிராமினை கிளிக் செய்து இயக்க வேண்டும். இது நேரம் எடுக்கும் வேலை. டாஸ்க்பாரில் ஒவ்வொரு டாகுமெண்ட்டும் காட்டப் பட்டால் இந்த வேலை மிச்சமாகும். என்ன செய்யலாம்? டாஸ்க் பாரில் எங்கேனும் ரைட் கிளிக் செய்து கிடைக்கும் மெனுவில் புராபர்ட்டீஸ் தேர்ந்தெடுங்கள். கிடைக்கும் டயலாக் பாக்ஸில் Group similar Taskbar buttons என்ற இடத்தில் டிக் அடையாளத்தை எடுத்து விடுங்கள். இனி பைல்கள் அடுக்கப்பட மாட்டாது.

13. Low Disk space warning

விண்டோஸ் எக்ஸ்பி சிஸ்டத்தில் திடீரென திரையில் வலது மூலையில் ஹார்ட் டிஸ்க்கில் இனி ஸ்பேஸ் இல்லை என்ற பொருள் பட இந்த செய்தி கிடைக்கும். இதனால் பெரிய விபத்து இல்லை. உடனே சி டிரைவில் தேவையற்ற பைல்கள், டெம்பரரி போல்டரில் உள்ள பைல்கள் ஆகியவற்றைக் காலி செய்யவும். முக்கிய பைல்கள் இருந்தால் அவற்றை வேறு டிரைவிற்கு மாற்றவும். இவ்வாறு செய்து ஓரளவிற்கு டிஸ்க்கில் ஸ்பேஸ் உண்டாக்கினால் இந்த எச்சரிக்கை செய்தி வராது.

வைரஸ் புரோகிராமை பயன்படுத்துவது எப்படி?

2009-05-23T19:35:00.000-07:00

ஆண்டி வைரஸ் புரோகிராம் பதிந்து வைத்திருக்கும் பலர் திடீரென என் ஆண்டி வைரஸ் புரோகிராமினையும் மீறி சில வைரஸ்கள் வந்து என் பொழைப்பையே கெடுத்துருச்சே! என்று அங்கலாய்ப்பார்கள். இந்த ஆண்டி வைரஸ் புரோகிராம்களே இப்படித்தான். வைரஸ்களை எதிர்த்து திடீரென வேலை செய்யாது என்று புலம்புவார்கள். நப்பாசையில் ஆண்டி வைரஸ் புரோகிராமினைப் பயன்படுத்தி ஸ்கேன் ஓடவிட்டுப் பார்ப்பார்கள்.

எந்த வைரஸும் இல்லை என்று செய்தி வந்தவுடன் நம் தலைவிதி அவ்வளவுதான் என்று கூறி டெக்னீஷியன் மூலம் வைரஸ்களைக் காலி செய்வார்கள் அல்லது இந்த புரோகிராம் சரியில்லை என்று வேறு ஒரு ஆண்டி வைரஸ் புரோகிராமிற்குத் தாவுவார்கள். இது எதனால் ஏற்படுகிறது? என்று சற்றுப் பார்ப்போம். நீங்கள் என்ன செய்கிறீர்கள். நீங்களே அல்லது யார் மூலமாவது ஒரு ஆண்டி வைரஸ் புரோகிராமினை இன்ஸ்டால் செய்கிறீர்கள். அதுவும் அவ்வப்போது நீங்கள் இன்டர்நெட்டில் உலா வருகையில், இமெயில் இறக்குகையில், பிளாஷ் டிரைவ் பயன்படுத்துகையில் சிகப்பு கட்டத்தைக் காட்டி இதில் வைரஸ் இருந்தது. நான் கிளீன் செய்துவிட்டேன் என்று காட்டுகிறது. உங்களுக்கு சந்தோஷமோ சந்தோஷம்.

ஆனால் சிறிது நாட்கள் கழித்து கம்ப்யூட்டரில் வைரஸ் இருக்கிறது என்று தெரிகிறது. அப்போது தான் முதல் பத்தியில் சொல்லப்பட்ட நிலைக்கு நீங்கள் தள்ளப்படுகிறீர்கள். இங்கு நீங்கள் செய்யத் தவறிய சில செயல்களையும் அதற்கான பரிகாரங்களையும் பார்ப்போம்.

1. ஆண்டி வைரஸ் புரோகிராமினை இன்ஸ்டால் செய்தவுடன் அதை மறந்துவிடக் கூடாது. அவ்வப்போது குறிப்பிட்ட கால இடைவெளியில் அதனை அப்டேட் செய்திட வேண்டும். அப்போதுதான் அண்மைக் காலத்தில் வந்த வைரஸ்களைக் கண்டறிவ தற்கான புரோகிராம்கள் டவுண்லோட் செய்யப்பட்டு உங்கள் ஆண்டி வைரஸ் புரோகிராம் மேம்படுத்தப்படும். எனவே நீங்கள் ஸ்கேன் செய்வதாக இருந்தால் முதலில் இன்டர்நெட் இணைப்பு பெற்று உங்கள் ஆண்டி வைரஸ் புரோகிராம் தந்த நிறுவனத்தின் இணைய தளம் சென்று அப்டேட் செய்திடவும். அதன்பின் ஸ்கேன் செய்திடவும்.

2. முதலில் உங்கள் ஆண்டிவைரஸ் புரோகிராமினை எப்படி அமைத்திருக்கிறீர்கள் என்று பார்க்கலாம். வழக்கமாக டாஸ்க் பாரில் வலது ஓரத்தில் இதன் ஐகான் இருக்கும். இதனை டபுள் கிளிக் செய்தால் இந்த புரோகிராம் திறக்கப்படும். ஐகான் இல்லையா? ஸ்டார்ட் கிளிக் செய்து புரோகிராம்ஸ் தேர்ந்தெடுத்தால் கிடைக்கும் பட்டியலில் ஆண்டி வைரஸ் புரோகிராமைக் காணலாம். அங்கு கிளிக் செய்திடலாம்.

3. இது திறந்தவுடன் உங்கள் ஆண்டி வைரஸ் புரோகிராமின் மெயின் பக்கத்தில் நீங்கள் இருப்பதைக் காணலாம். இதில் இந்த புரோகிராமின் அனைத்து செயல்பாடுகளுக்கும் ஏதுவான பிரிவுகள் இருக்கும். அனைத்தையும் பார்த்து ஸ்கேன் செய்வதற்கான பட்டனைத் தேர்ந்தெடுத்து கிளிக் செய்திடவும்.

4. ஸ்கேன் டேபைக் கிளிக் செய்தவுடன் குறிப்பிட்ட டிரைவ் அல்லது அனைத்து டிரைவ்களையுமா எனத் தேர்ந்தெடுக்கும் வசதி கிடைக்கும். அனைத்து டிரைவ்களையும் அல்லது முழு கம்ப்யூட்டரையும் ஸ்கேன் செய்திடும் வசதியினைத் தேர்ந்தெடுக்கவும். உடனே ரிபோர்ட் விண்டோ ஒன்று திறக்கப்படும். ஸ்கேன் முடிந்தவுடன் ஸ்கேன் முடிந்ததாக அறிவிக்கப்பட்டு கண்டறியப்பட்ட வைரஸ்கள், அவை இருந்த பைல்கள், வைரஸ் அழிக்கப்பட்டுவிட்டதா, காப்பு இடத்தில் (குவாரண்டைன்) வைக்கப்பட்டுள்ளதா என்று காட்டப்படும்.

இவற்றை அழிப்பதற்கான ஆப்ஷன் உங்களிடமே விடப்படும். அதே மெயின் விண்டோவிலேயே தொடர்ந்து தானாகக் குறிப்பிட்ட கால அவகாசத்தில் தானாக ஸ்கேன் செய்திடும் பணியை செட் செய்திடவும் வாய்ப்பு தரப்படும். உங்கள் கம்ப்யூட்டர் ஸ்டார்ட் செய்யப்படும் போதெல்லாம் ஸ்கேன் செய்திடும் வகையிலோ அல்லது வாரம் ஒரு முறை மாதம் ஒரு முறையோ ஸ்கேன் செய்திட செட் செய்திடலாம்.

5. ஆட்டோமேடிக் ஸ்கேன் செய்திட எப்படி செட் செய்வது எனப் பார்ப்போம். முதலில் உங்கள் ஆண்டி வைரஸ் புரோகிராமினைத் திறந்து கொள்ளுங்கள். அதன் பின் டூல்ஸ் (Tools) மெனு செல்லுங்கள். Scheduler என்பதைத் தேர்ந்தேடுங்கள். அதன்பின் Schedule Scan என்ற பிரிவிற்குச் செல்லுங்கள். (இந்த சொற்கள் சில ஆண்டி வைரஸ் புரோகிராமில் வேறு மாதிரியாக இருக்கலாம்) ஷெட்யூல் ஸ்கேன் தேர்ந்தெடுத்தவுடன் நியூ என்பதைத் தேர்ந்தெடுங்கள்.

இப்போது சில கேள்விகளுக்கு நீங்கள் பதிலளிக்கும் வகையில் சில ஆப்ஷன்கள் காட்டப்படும். அவை Event Type, When To Do, How Often, Start Time எனப் பலவகைப்படும். இவற்றின் தன்மைக்கேற்ப உங்கள் முடிவுப்படி செட் செய்திடுங்கள். அனைத்தும் முடித்த பின் ஓகே கிளிக் செய்து வெளியேறுங்கள். இதன்பின் நீங்கள் செட் செய்த படி ஸ்கேன் தானாக நடைபெறும். கம்ப்யூட்டர் இயங்கிக் கொண்டிருக்க வேண்டும்.

உங்கள் கம்ப்யூட்டர் வைரஸ் இல்லாமல் இயங்கிட எப்போதும் மேம்படுத்தப்பட்ட உயிர்த்துடிப்புள்ள ஆண்டி வைரஸ் புரோகிராம்களை வைத்திருக்கவும். நீங்கள் மறந்தாலும் அது தானாக இயங்கும்படி செட் செய்திடவும்.

இலவச தரவிறக்க மென்பொருட்கள்

2009-05-23T19:34:00.000-07:00

இன்டர்நெட் பயன்பாடும் தகவல் பரிமாற்றமும் பெருகி வரும் இந்நாளில் எளிதான வேகமான டவுண்லோட் செய்திடும் புரோகிராம்களின் தேவையும் அதிகரித்து வருகிறது. இன்டர்நெட் இணைப்பு வழங்கும் வேகத்தைப் பயன்படுத்தி நாம் டவுண்லோட் செய்திடும் பைல்களை எந்த சிக்கலுமின்றி வேகமாக இறக்கித் தர நமக்கு டவுண்லோட் மேனேஜர் புரோகிராம்கள் தேவைப்படுகின்றன.

அவ்வகையில் இணையத்தில் பல இலவச புரோகிராம்கள் நமக்கு கிடைக்கின்றன. பயர்பாக்ஸ் தொகுப்புடன் இத்தகைய வசதி இணைந்தே இருந்தாலும் டவுண்லோட் மேனேஜர் புரோகிராம்கள் தரும் பல வசதிகள் அதில் இல்லை.

ஒரே பைலுக்கான பல டவுண்லோட் இணைப்புகள், பிரிவு பிரிவாக டவுண்லோட் செய்திடும் வசதி, பல பைல்களை ஒரே முறை கிளிக் செய்து டவுண்லோட் செய்திடும் வசதி போன்ற பல வசதிகளை இந்த டவுண்லோட் மேனேஜர்கள் தருகின்றன. பொதுவாக இந்த கூடுதல் வசதிகள் எல்லாம் இத்தகைய புரோகிராம்களில் கட்டணம் செலுத்திப் பெறும் பதிப்புகளில் மட்டுமே கிடைக்கும். ஆனால் இலவச புரோகிராம்கள் அதிகமான எண்ணிக்கையில் உருவாக்கப்பட்டு கிடைக் கும் இந்நாளில் மேல் குறிப்பிட்ட வசதிகள் இலவசமாகக் கிடைக்கும் புரோகிராம்களிலேயே தரப்பட் டுள்ளது குறிப்பிடத்தக்கது.

ஒரு சில டவுண்லோட் மேனேஜர்களில் அதிகமான எண்ணிக்கையில் இந்த வசதிகள் தரப்பட்டிருப்பது இன்னும் சிறப்பாகும். அவற்றில் மிகச் சிறந்த மூன்று டவுண்லோட் மேனேஜர் புரோகிராம்கள் குறித்து இங்கு தகவல்கள் தரப்படுகின்றன.

Free Download Manager

1. புரோகிராம் பெயர் : FreeDownload Manager

2. வழங்குபவர் : FreeDownload Manager.org

3. தரவிறக்க தள முகவரி: இங்கே கிளிக் செய்யவும்

4. பைல் அளவு: 5754 கேபி.

இது ஒரு ஓப்பன் சோர்ஸ் சாப்ட் வேர் தொகுப்பு. இதன் பெயருக்கேற்ற வகையில் சிறப்பான பல வசதிகளை இந்த புரோகிராம் தருகிறது. அனைத்து பிரவுசர் தொகுப்புகளுடன் இணைந்து செயல்படுகிறது. மிக அழகாக வடிவமைக்கப்பட்ட இன்டர்பேஸ் இயங்குகிறது. எப்.டி.பி. மற்றும் எச்.டி.டி.பி. வகைகளுக்குத் தனித்தனியே கிளையண்ட் புரோகிராம்கள் இணைக்கப்பட்டுள்ளன.

டவுண்லோட் செய்யப்பட வேண்டிய புரோகிராம்களை பகுதி பகுதிகளாகப் பிரித்து ஒரே நேரத்தில் வேகமாக டவுண்லோட் செய்து தருகிறது. டவுண்லோட் செய்திடும் நேரத்தில் இன்டர்நெட் தொடர்பு விட்டுப் போனாலோ அல்லது கம்ப்யூட்டர் முடங்கிப் போனாலோ அடுத்த முறை விட்டுப்போன இடத்திலிருந்து பைலை டவுண்லோட் செய்து இணைத்து தரும் திறன் கொண்டது. வீடியோ தளங்களிலிருந்து டவுண்லோட் செய்வதுடன் பார்மட்டுகளையும் மாற்றி தருகிறது. இதனுடன் இணைத்துத் தரப்பட்டுள்ள அப்லோட் மேனேஜர் புரோகிராம் பைல்களைப் பிறருடன் பகிர்ந்து கொள்ள அப்லோட் செய்திடும் வசதியைத் தருகிறது. ஒரு பைலை பல்வேறு லிங்க்குகளிலிருந்து ஒரே நேரத்தில் டவுண்லோட் செய்து தரும் திறன் கொண்டது. டவுண்லோட் செய்யப்படும் பைல்களை அதன் வகைகளுக்கிணங்க சேவ் செய்து நிர்வகிக்க உதவிடுகிறது.

ஒரு பைலை டவுண்லோட் செய்திடும் முன் அந்த பைல் குறித்து மற்றவர்கள் என்ன கருத்து தெரிவித்துள்ளார்கள் என்று காட்டப்படுகிறது. அதே போல நீங்களும் உங்கள் கருத்தைப் பதிவு செய்திடலாம். இதனால் கெடுதல் விளைவிக்கும் பைல்களை டவுண்லோட் செய்திடுவதனைத் தவிர்க்கலாம். மற்றவர்களுக்கும் எச்சரிக்கை செய்திடலாம்.

முழு இணையதளத்தையும் அப்படியே டவுண்லோட் செய்திடும் திறன் கொண்டது. இதற்கென எச்.டி.எம்.எல். ஸ்பைடர் என ஒரு புரோகிராம் பிரிவு தரப்படுகிறது. அதனால் தான் இதனை சைட் ரிப்பர் (‘site ripper’) என அழைக்கின்றனர்.

Orbit Downloader

1. புரோகிராம் பெயர் : OrbitDownloader

2. வழங்குபவர் : OrbitDownloader.com

3. தரவிறக்க தள முகவரி: இங்கே கிளிக் செய்யவும்

4. பைல் அளவு: 2217 கேபி.

டவுண்லோட் மேனேஜர் புரோகிராம்களின் லீடர் என இது செல்லமாக அழைக்கப்படுகிறது. ஆடியோ மற்றும் வீடியோ பைல்களை டவுண்லோட் செய்திட துணை புரியும் நோக் கத்துடன் இந்த புரோகிராம் உருவாக்கப்பட்டதாக தெரிகிறது. புதிய சில அம்சங்களுடன் வழக்கம்போலான இ.எக்ஸ்.இ. மற்றும் காம் பைல்கள் மட்டுமின்றி ஸ்ட்ரீமிங் மீடியா வகையைச் சேர்ந்த ஆடியோ மற்றும் வீடியோ பைல் களை டவுண்லோட் செய்திடுகிறது. யு–ட்யூப் மற்றும் மை ஸ்பேஸ் போன்ற சில தளங்களிலிருந்து நேரடியாக டவுண் லோட் செய்திடும் வசதியைத் தருகிறது. இன்றைக்குக் கிடைக்கும் சிறந்த டவுண் லோட் மேனேஜர் புரோகிராம்களில் ஒன்று எனப் பலராலும் பாராட்டுப் பெற்றது.

இதனைப் பயன்படுத்த எந்தவிதமான ரெஜிஸ்ட்ரேஷனும் தேவையில்லை. விளம்பரங்களோ அல்லது ஸ்பை வேர் புரோகிராம்களோ இல்லை என சான்று பெற்றது. யு–ட்யூப் வீடியோக்களை டவுண்லோட் செய்திட இது மிக உகந்தது என பாராட்டுப் பெற்றது. தற்போதைய பதிப்பு 2.7.3.

Flash Get

1. புரோகிராம் பெயர் : FlashGet

2. வழங்குபவர் : Trend Media

3. தரவிறக்க தள முகவரி: இங்கே கிளிக் செய்யவும்

4. பைல் அளவு: 4520கேபி.

இன்டர்நெட்டில் மிக அதிகமான எண்ணிக்கையில் வாடிக்கையாளர்களைக் கொண் டுள்ள புரோகிராமாக இது அறிவிக்கப்பட்டுள்ளது. டவுண் லோட் செய்கையில் நாம் பொதுவாக எதிர்நோக்கும் இரண்டு பிரச்னைகளை இது எளிதாக தீர்த்து வைக்கிறது. முதலாவது வேகம்; இரண்டாவது டவுண்லோட் செய்யப் பட்ட பைல்களைக் கையாளும் முறை; அவற்றை சோதனை செய்துவகைப்படுத்தும் வழிகள்.

இந்த புரோகிராம் முதலில் சீன சொல்லை ஒட்டி ஜெட் கார் என அழைக்கப் பட்டது. இதன் புதிய பதிப்பு 1.9.6. இதில் மல்ட்டி சர்வர் ஹைபர் த்ரெடிங் டெக்னாலஜி பயன்படுத்தப்படுகிறது. இதனால் பல்வேறு புரோடோகால் முறைகளை இதில் பயன்படுத்தி டவுண் லோட் செய்திடலாம். இறக்கப் படும் பைலின் அளவிற்கேற்ப பைல் இறக்கப் படும் வேகம் 6 முதல் 10 முறை அதிகரிக்கப்படுகிறது.

டவுண்லோட் செய்யப் படும் பைலை பகுதிகளாகப் பிரித்து ஒரே நேரத்தில் இந்த பகுதிகளை டவுண்லோட் செய்து பின் இணைத்துத் தருகிறது. ஒரு பைல் மட்டுமல்ல, ஒரே நேரத்தில் பல பைல்களை இது போல பிரிவுகளாகப் பிரித்து டவுண்லோட் செய்கிறது. அத்துடன் எந்த நேரத்தில் எந்த பைலை டவுண்லோட் செய்திட வேண்டும் என வரையறை செய்திடலாம். இதனால் நம் இன்டர் நெட் இணைப்பு வேகத்தினை ஒட்டியும் நம் தேவையை பொறுத்தும் டவுண் லோட் செய்திட முடிகிறது.

இந்த புரோகிராமைப் பயன்படுத்துகையில் எந்த அட்–வேர் புரோகிராமும் குறுக்கிடாது. எந்தவிதமான ஸ்பைவேர் புரோகிராமும் இல்லை என்று பலராலும் கணிக்கப்பட்டுள்ளது. மிகக் குறைவான ராம் மெமரியைப் பயன்படுத்துவதால் டவுண்லோட் செய்திடுகையில் நம்முடைய வேலையை கம்ப்யூட் டரில் தொடர்ந்து மேற் கொள்ளலாம். டவுண்லோட் முடிந்தவுடன் தானாக கம்ப்யூட்டரில் உள்ள ஆண்டி வைரஸ் தொகுப்பினை இயக்கி டவுண்லோட் செய்யப் பட்ட பைலில் வைரஸ் எதுவும் இருக்கிறதா என்று சோதனை செய்கிறது.

ஒரே பைலுக்கான பல டவுண்லோட் இணைப்புகள், பிரிவு பிரிவாக டவுண்லோட் செய்திடும் வசதி, பல பைல்களை ஒரே முறை டவுண்லோட் செய்திடும் வசதிபோன்ற பல வசதிகளை இந்த டவுண்லோட் மேனேஜர்கள் தருகின்றன. அவற்றில் மிகச் சிறந்த மூன்று டவுண்லோட் மேனேஜர் புரோகிராம்கள் குறித்து இங்கு தகவல்கள் தரப்படுகின்றன. டவுண்லோட் செய்கையில் நாம் பொதுவாக எதிர்நோக்கும் இரண்டு பிரச்னைகளை இது தீர்த்து வைக்கிறது. முதலாவது வேகம்; இரண்டாவது டவுண்லோட் செய்யப்பட்ட பைல்களைக் கையாளும் முறை; அவற்றை சோதனை செய்து வகைப்படுத்தும் வழிகள்.

மொபைல் போன் பாதுகாப்பு வழிகள்

2009-05-23T19:29:00.000-07:00

1. மொபைல் போன்களுக்குள் திரவங்கள் செல்வது வெகு எளிது. இதனைத் தடுப்பது மிக மிகக் கடினம். தண்ணீர், எண்ணெய், பால், டீ, கூல் ட்ரிங்க், ஷேவிங் கிரீம் என எது வேண்டுமானாலும் மொபைல் உள்ளே செல்லலாம். எனவே இவற்றிலிருந்து கூடுதல் கவனத்துடன் தள்ளி இருக்க வேண்டும். ஈரப்பதத்தினால் போன் கெட்டுப் போனால் அதனைச் சரி செய்வது கடினம். அப்படிக் கெட்டுப் போனால் போனை விற்பனை செய்தவர் போன் வாரண்டி காலத்தில் இருந்தாலும் ஏற்றுக் கொள்ளமாட்டார்.

2. திரையில் உள்ள லிக்விட் கிறிஸ்டல் டிஸ்பிளே (LCD) மீது அழுத்தத்தைப் பிரயோகித்தால் திரை கெட்டுவிட வாய்ப்பு உள்ளது. எனவே பாக்கெட்டில் போனை வைத்திடுகையில் ஏதேனும் கூர்மையான அல்லது பாதிப்பு ஏற்படுத்தக் கூடிய பொருள் மொபைல் போனுடன் உரசிக் கொண்டிருக்கிறதா என்பதைக் கவனித்துச் செயல்படவும். போம் கவர்கள் அல்லது பிளாஸ்டிக் கவர்கள் இந்த வகையில் பாதுகாப்பு தரலாம்.

3. சூரிய ஒளியில் மொபைல் போன்களை அதிகம் வெளிக் காட்டக் கூடாது. இதன் மூலம் போனின் பளபளப்பு மற்றும் வண்ணம் மாறும் வாய்ப்புண்டு. சூரிய ஒளியினைத் தடுப்பதிலும் சிறிய பைகள் மற்றும் பிளாஸ்டிக் கவர்கள் உதவுகின்றன.

4. ஒவ்வொரு மொபைல் வாங்கி இயக்கத் தொடங்கியவுடன் *#06# என்ற எண்ணை அழுத்தி அதன் தனி அடையாள எண்ணைத் (International Mobile Equipment Identity) தெரிந்து வைத்துக் கொள்ளுங்கள். உங்கள் மொபைல் போனுக்கான வாரண்டி இதனைச் சார்ந்ததாகும். மேலும் உங்கள் மொபைல் தொலைந்து போனால் இந்த எண்ணைக் கொண்டு தேடிக் கண்டுபிடிக்கலாம்.

5. எலக்ட்ரானிக் சாதனங்கள் அனைத்துமே தூசியினால் கெட்டுப் போகும் வாய்ப்புள்ளவை. எனவே நல்ல கவர் போட்டு மூடியவாறே பயன்படுத்துவது நல்லது.

6. உங்கள் மொபைல் போனில் ஏதேனும் ஒரு ஆண்டி வைரஸ் சாப்ட்வேர் தொகுப்பைப் பதிந்து வைப்பது நல்லது.

7. விரலால் கீ பேடினை இயக்கவும். விரல் நகங்கள் மற்றும் கூர்மையான சாதனங்கள் கீ பேடிற்குத் தீங்கு விளைவிக்கும்.

8. வெகு காலத்திற்கு மொபைலைப் பயன்படுத்தப்போவது இல்லை என்றால் பேட்டரியினைக் கழற்றி வைக்கவும்.

9. மொபைல் போனுடன் எந்த துணைச் சாதனத்தை அல்லது பேட்டரியைப் பயன்படுத்துவதாக இருந்தாலும் மொபைலைத் தயாரித்த நிறுவனம் அங்கீகரித்த சாதனங்களை மட்டுமே பயன்படுத்தவும்.

10. சிறிய மொபைல் போனில் எக்கச்சக்க வசதிகளைத் தருவதில் இன்றைய மொபைல் நிறுவனங்கள் முயற்சித்து வடிவமைத்து வருகின்றன. இதற்கேற்ற வகையில் மொபைலில் பயன்படுத்தப்படும் சர்க்யூட் போர்டுகள் பல லேயர்களாக அமைக்கப்பட்டுள்ளன. இவை அனைத்தும் சிறிய தள வரிசைகளாக நிற்க வைக்கப்பட்டுள்ளதால் சிறிய அதிர்ச்சி கூட இவற்றின் செயல்பாட்டினை முடக்கும். இவற்றைத் தடுப்பதிலும் சிறிய போம் பைகள் அல்லது கவர்கள் பெரும் பங்கு வகிக்கின்றன. மேலும் இத்தகைய வழிகளில் சேதம் ஏற்பட்டாலும் நிறுவனங்கள் ஏற்றுக் கொள்வதில்லை.

11. அடிக்கடி சார்ஜ் செய்யப்படும் மொபைல் பேட்டரிகள் விரைவில் வீணாகும் வாய்ப்பு உண்டு. எனவே பேட்டரி சார்ஜர்களை எடுத்துச் சென்று தேவைப்படும்போது மட்டும் பயன்படுத்தவும்.

12. நோக்கியா போன்கள் ரிசர்வ் பேட்டரியுடனேயே வருகின்றன. எனவே பேட்டரி சார்ஜ் தீருகையில் *3370# என்ற எண்ணைப் பயன்படுத்தவும். இந்த எண்ணை அழுத்தினால் ரிசர்வ் பேட்டரி செயல்படுத்தப்பட்டு மொபைலின் பேட்டரி திறன் 50% கூடுவதைக் காணலாம்.

13. மொபைல் போனுடன் வரும் மேனுவல் என்னும் பயன்படுத்துவதற்கான குறிப்பு புத்தகத்தினை படித்து தெரிந்து கொண்டு மொபைலைப் பயன்படுத்தவும்.

14. உங்கள் நெட்வொர்க்கினைத் தாண்டி விட்டீர்களா? மொபைல் போனை ஆப் செய்வது நல்லது. இல்லையேல் பேட்டரி பவர் வீணாகும்.

15. பேட்டரியை மொபைல் போனிலிருந்து வெளியே எடுக்கப் போகிறீர்களா? முதலில் மொபைலை ஆப் செய்துவிட்டு பின் எடுங்கள்.

16. தேவைப்படும்போது மட்டும் புளுடூத் வசதியை இயக்கவும். மற்ற நேரங்களில் அதனை ஆப் செய்து வைப்பது பேட்டரி மற்றும் உங்கள் மொபைல் போனுக்கு நல்லது.